Louisa （紅衣）每逢周六及日就會帶愛犬牧牧及樂樂行山，其間更認識了很多狗主。早排日日氣溫高達30度，狗狗熱到唔願郁，近日天氣正式轉涼，最岩帶狗狗去行山舒展筋骨。不過狗和人的體能始終唔同，唔係條條山路都岩狗行，我哋請來幾位行山經驗豐富的狗主推介三條行山路線，你今個周末可立即同狗狗結伴同行。
帶狗狗行城門水塘，記緊收好手上的食物，以免被馬騮搶去。
Vera 跟愛犬BoBo 經常到城門水塘行山，這段路無論人和狗也適合。
大潭水塘路較闊，沿途景色也相當靚，近年成為狗主行山的熱門地點。
每次行山，Louisa 就會帶相機為兩隻愛犬拍照。
路平樹蔭多 大潭水塘/ 城門水塘水塘路以平路居多，人和狗狗都會行得較舒服，而Louisa 跟4歲牧羊犬牧牧及史納莎犬樂樂的心水行山路線是港島的大潭水塘。她說：「我哋逢周六、日都會出動，大潭水塘那段路無車行、樓梯少及草少，可避免狗狗行樓梯辛苦，又可避免佢哋被躲在草叢的牛蜱咬到，惹上牛蜱熱。」
一人兩狗會由水塘的閘口起步，走的是石屎平路，路面夠闊，到了大潭篤水塘再前行至大潭上水塘便回頭，全程約3小時。「大潭篤水塘一段的風景特別靚，我經常替兩隻狗狗影靚相。」但缺點是沒有大片空地讓狗狗停下來玩，Louisa 說：「我要全程拖繩帶住佢哋，唔可以放繩俾狗狗去跑去玩。」
另一位狗主Vera 則最愛跟6歲牧羊犬Bobo 到荃灣城門水塘行山。「我由城門堡壘作起點，行至城門林道水塘段，來回約3小時，沿途會經過水塘及好多樹蔭的路，景色都好靚。我哋行到
就喺附近的燒烤場
下，放繩俾Bobo 周圍走。那里地方夠大，即使人多，狗狗亦不易撞親。行山特別岩牧羊犬，佢哋天生關節唔係咁好，年紀大咗較易出現問題，希望佢多嘅行山，健康會好嘅。」她又提醒狗主，城門水塘這段路常有馬騮跳出來搶食物，所以咪隨便嗱啲食物出來。
點去大潭水塘？柴灣港鐵站乘坐16M 小巴到大潭道下車。
點去城門水塘？荃灣兆和街乘坐82號小巴往城門水塘，總站下車。
狗主攜帶小型狗隻行山，可將狗隻放入狗袋內，再乘搭小巴或巴士到目的地。
攜帶大型狗隻的狗主，則要自行駕車，停泊在地圖顯示的泊車位，或乘的士到目的地。
Gladys 最喜歡大帽山這片平地，在這里可放繩讓Cotton 跑。
Gladys 說，Cotton 一去行山就變得特別活躍，像甩繩馬騮般到處跑。
大片空地狗狗岩玩 大帽山麥理浩徑Gladys 與5歲牧羊犬Cotton 已有四年多行山經驗，她首選路線是荃灣大帽山的麥理浩徑。「呢條路行人較少，會有多嘅空間俾狗狗玩。我通常約埋成班狗主一齊行山，陣容好鼎盛㗎。我哋由麥理浩徑第9段出發向山上行，沿途會有嘅斜坡，但無梯級，兩旁有樹蔭唔會太曬，人同狗都行得好舒服。」
沿山路行約半個鐘，就會到達直升機停機坪，呢大片空地平時極少有人用，所以狗主可放繩俾狗狗跑下玩下。Gladys 話等狗狗運動完後，通常會多行一小時就回頭，全程約2個半小時。但她提醒，沿途有不少牛及牛屎，若狗狗不小心誤踩牛屎，清潔工夫都有排煩。
點去大帽山？荃灣如心廣場乘坐51號巴士到荃錦公路麥理浩徑下車。
南生圍
狗狗忌行路線南生圍：好多狗主都話，呢度嘅草地較多，會有很多牛蜱，曾有不少狗狗中招。狗狗一旦被牛蜱吸血，就會出現貧血，或有致命危險。
南丫島榕樹灣：榕樹灣碼頭往山頂風車的一段路，草叢較多，亦較多牛蜱出現。
狗狗行山tipsLouisa 說帶狗狗去行山，出發前、當日及事後亦要做足準備工夫，更要揀岩出發時間。
1每月為狗狗滴殺蝨用品，如Frontline 等，及定時餵服杜蟲藥。
2帶備足夠清水，除飲用外，若天氣太熱可為狗狗淋身散熱，又要帶備毛巾及救急用品如消毒藥水及紗布，以備急救之用。
3到達目的地後，在牠身上噴上殺蝨劑，以防蝨及牛蜱。
4回家後為牠抹身及梳理毛髮，同時檢查其身上有沒有蝨或牛蜱。
5夏天最好選10am 前或3pm 後行山，宜2小時為限，而秋天則可行3至4小時。
