恒生Cash Dollars 暗藏透支陷阱 貪小折扣隨時多付手續費

雲妮C@2012-08-22 12:51


在恒生銀行網頁以信用卡Cash Dollars換購旅遊保險,只在附註小字提及有可能透支Cash Dollars。

恒生信用卡的Cash Dollars,在指定商舖可作現金使用,但原來網上的使用方法不同,客戶隨時誤墮透支陷阱。有市民在網上用Cash Dollars消費,結果在無預警下透支了Cash Dollars而不自知,為慳28元的折扣優惠,分分鐘要多付200元手續費。有學者批評「銀行咁樣賺錢唔係咁光彩」。

恒生信用卡每購物滿250元,便可獲得1元Cash Dollars,在指定商戶消費,可當作現金使用或可以特惠價換購禮品。

底部附註字體細小徐先生今年3月,在網上購買恒生旅遊保險,以信用卡Cash Dollars以優惠價112元換購,較正價140元便宜20%。當時網頁無顯示他有多少Cash Dollars,「我以為會好似平時去商舖買嘢咁,最多扣到盡,如果唔夠,餘數就會用現金畀!」交易過程中無提醒他餘額不足、無警告會透支。

直至近日他簽卡時,才驚悉透支了47元Cash Dollars。換言之,他須於今年底前簽賬滿11,750元,才可補回透支的Cash Dollars;否則須繳付透支額連手續費(200元)合共247元,「咁咪仲貴過我用正價買保險!」

恒生有關網頁,只在底部附註寫着「如果你現在沒有足夠的Cash Dollars,其中的差額就會自動在你的信用卡戶口內預支」,徐先生說:「字體好細隻,根本唔會留意。」

記者以客戶身份致電恒生熱線,獲告知只在網上才會預支Cash Dollars,在商舖消費則不能。

「咁樣賺錢唔光彩」中文大學市場學系教授冼日明指,「對好多客戶嚟講,消費係講習慣」,若網上購物條款與其他方法不同時,應清楚讓消費者知道,「我都有用Cash Dollars,但都唔知原來網上消費係唔同」。

中大酒店及旅遊管理學院會計與財務高級導師李兆波表示,「銀行咁樣賺錢唔係咁光彩,如果客戶嘅Cash Dollars唔夠,應該提一提客戶係唔係繼續交易」。

恒生銀行回應指,網上以Cash Dollars換購旅遊保險的相關版面,有「預支Cash Dollars」計劃的資料,以及相關細則的連結;如客戶的預支結欠數目較少,可豁免手續費,但該行無說明何謂「數目較少」。

#1

...第一項已經寫明,字體不算太少,留心睇唔會留意唔到... 我有恒生account,一早知道呢個條款...

返回信用卡資訊交流區
上一頁 回覆 新主題 主頁
查看完整電腦版