俗稱「網絡23條」的《版權修訂條例草案》因香港漫畫家黃玉郎和劉雲傑的支持繼續升溫，上週日在香港版權大聯盟記者會中，遭《熱血時報》記者狙擊的黃玉郎，當日幾乎全無招架之力，前日卻指只有無知、腦殘、別有用心的人，才會將條例草案形容為「網絡23條」。昨日他出席《邱福龍X黑漫漫想世界》畫展，回到「主場」卻選擇封口不做訪問。
馬榮成（右）坦承沒研究「網絡23條」，但指參考其他作品是常事。
馬榮成：搞笑冇所謂
至於另一漫畫家馬榮成，透露下年會開拍《風雲3》，但主角仍在構思中。問到有關「網絡23條」，馬榮成說：「我就冇立場，因為我冇特別瞭解23條，網友用我漫畫改頭像諷刺，如果係搞笑我覺得冇所謂。不過作為一個創作者，我哋亦都代理好多版權，當然係支持保障版權，其他細節真係唔清楚。」
有網民懷疑「網絡23條」是用來打壓言論自由和涉及政治因素，馬榮成表示：「我睇唔到有咩政治角度考慮，細節上我真係唔認識，亦冇花時間去研究，最重要係我哋啲書出唔出到版，同埋係咪會俾人抄嘅！」至於講到黃玉郎遭網友鬧爆旗下漫畫的封面亦多涉抄襲，例如漫畫《王小龍傳》封面極似泰國武打影星Tony Jaa的《拳霸II》海報，馬榮成即鬆鬆肩笑說：「我相信係參考啫，咁我都有參考人哋，人哋亦都有參考我哋嘅嘢！」對於黃玉郎說人腦殘、無知，馬榮成說：「呢啲完全係個人意見，冇乜特別，咁都有人鬧佢啦，好公平，每個人都有言論自由。」
採訪：盧妹
攝影：陳順禎
from:
http://hk.apple.nextmedia ... 151219/19417956
