周永恆（Roy）被爆有巨乳新歡黃詠珊（Cherie），昨日多位讀者爆料，質疑Cherie變臉由pizza面變刀削麵；Cherie曾跟網名「劉馬車」嘅網民劉駿軒合照，仲將相片貼社交網，不過前晚劉馬車拍片上網爆粗狂插Cherie疑整容同有錢債糾紛，鬧爆Roy同Cherie：「賤精愛賤種！」
曾因觸犯刑事恐嚇同恐嚇感化官被捕嘅劉馬車，喺呢條自拍短片裡面先罵周永恆：「啱啱睇到單娛樂新聞，關於嗰個乜嘢周永恆，我本身唔係好知佢係乜水，但前排有單新聞話佢打老婆，趙頌茹成日畀佢打，呢條咁嘅戇x仔仍然未知衰，一而再再而三繼續打佢老婆，佢老婆都頂佢唔順，好似同佢離婚。」
跟住就用諧音「射V」鬧Cherie：「呢個儍佬近排返咗大陸發展，今日睇新聞發覺佢同我之前識得嘅一個女仔，叫做『射V'，大家可以追溯番上年9月，我曾經去嗰個女仔叫做黃X詠嗰條女屋企打邊爐，我喺度諗呢個世界近朱者赤近墨者黑，乜嘢質素嘅人就鍾意番乜嘢質素嘅人，嗰個『射V'又整X個容。」佢又話Cherie皮膚粗過錫紙，鍾意出名博出位，仲話佢做過金融疑呃過人錢，身邊朋友都俾佢呃過咁話。
最後劉馬車仲忠告周永恆：「建議嗰個周永恆條友好自為之，鍾意埋啲乜嘅人，不過呢個本身都係世紀賤男嚟，鍾意周圍搞女人，有老婆又打老婆，都唔係乜好男人嚟，所以話賤精就愛賤種，真係慘，呢個世代娛樂圈畀啲咁嘅人污染，咁都上到位。」有網友睇完呢條片，抵死留言：「人哋上到位，你又唔抵得？你認命吧。」、「咦，你同類喎，賤男！」
from:
http://hk.apple.nextmedia.com/entertainment/art/20160127/19468458
