現年35歲的金剛和32歲的陳蕊蕊拍拖3年，二人發展到同居關係，金剛每次有負面新聞，女友陳蕊蕊必定走出來為男友拆彈，但看似sweet爆的一對，上月初原來已低調分手。金剛早前為電影宣傳時，自爆已搬離大埔愛巢，決心要斬纜。
「剛蕊戀」一直存有暗湧，有指金剛嫌女友太黐身，早在一年前已想提出分手，但蕊蕊就say no，甚至以自殺威脅，最終二人在4月初協議分手，失戀蕊蕊大呻心痛和惋惜，還出走法國旅行療情傷。
旅行散心回港後，剛轉新經埋人的蕊蕊決定將焦點放在事業上，為了重新出發，蕊蕊昨日在旺角狂做gym裝備自己，一口氣做了收手臂、練背肌、瘦腰和臀部連串動作，化悲憤為動力。
蕊蕊和金剛3年情玩完，對於能否和對方復合，她坦言要「問個天」。資料圖片
【練背肌】
蕊蕊在健身室一連做了多個操肌動作，做到索曬氣。
金剛私物遺愛巢
蕊蕊昨日接受訪問時，表示已走出陰霾，對於前度，她大方說：「兩個人一齊一定有開心同唔開心。」蕊蕊表示爆分手當日，其實事情已發生了半個月，她說：「出嚟（指報導）嗰嚇我冇預計到，我係唔識表達嘅人，怕講多錯多，我其實唔係收埋自己嘅人，我要啲時間消化，又驚講錯嘢影響對方。」
蕊蕊分手後，曾透露金剛仍遺下不少私人物品在舊愛巢，問她現時「清場」了嗎？她淡淡然說：「未，我做嘢比較『𣲷』，順其自然。好多嘢大家知，大家有共識。」蕊蕊坦言分手後，直至現在都沒有和金剛聯絡，至於將來能否再見亦是朋友，她說：「OK。」對於有否機會復合？蕊蕊說：「要問個天。」她表示甩拖後會工作行先，這段情讓她有一個學習成長的機會。問她新對象的擇偶條件，蕊蕊就說：「睇緣份，我從來冇畀自己框框，咁樣闊啲嘛，呢個世界好大。」
採訪：劉敏
攝影：仇志德
場地：Wow Fitness
from:
http://hk.apple.nextmedia ... 160512/19607483
