Pokémon GO 8大秘訣懶人進階教學

young@2016-07-16 16:56

Pokemon GO熱潮殺到香港,有不少港人已越牆美國下載,近日不斷有消息指今個星期將登陸亞洲,即係隨時有得玩。玩Pokemon GO的其中一大樂趣,便是向朋友炫耀你儲了多少隻寵物小精靈,不想來來去去都使用跟隨角色的小火龍,便要留意以下八大秘訣!

秘訣一:短時間去最多地方
想捕捉多啲精靈,用最短時間去最多地方一定有著數。坐電車係唔錯選擇,因為電車行得夠慢,坐喺車度都捉到,慳番唔少腳骨力。踩單車、踩滑板都得,但當然要先注意安全啦。玩得夠癲嘅,仲可以約埋一齊租架車,當正追星咁去捉精靈。

秘訣二:頻頻光顧PokéStops
大家要去多啲PokéStops,因為呢度可以拎到精靈球同精靈蛋做獎勵。香港有度好,就係PokéStops比較密集,搭一程巴士都可以經過唔少PokéStops。

秘訣三:懶人孵蛋法
要孵隻精靈蛋,又唔想行幾km,懶人梗係有方法,只要將部手機綁喺你隻狗狗度,等佢自己來回走,一樣可以呃「裡數」!網上亦流傳唔少奇怪方法,試唔試就自己諗嚇。

秘訣四:建立消息群組
同friend一齊玩Pokemon GO有兩個好處,一來冇咁悶,二來可以分頭行動,或者建立群組,搵到精靈之後再互通消息,咁就事半功倍啦。

秘訣五:航拍
精靈匿埋喺窿罅位?唔使驚。天外飛仙咪得囉,出動到航拍裝置,精靈捐去邊都走唔出你手指罅。

秘訣六:練習掟球技巧
前面講幾多都假,唔識掟精靈球,一樣捉唔到精靈。按實個精靈球,等到綠色圈變細,捉到精靈機率會增加,但就難啲掟中。另外,又可以掟出旋轉球,掟中可以攞到多啲經驗值。正所謂熟能生巧,平時可以玩射籃球game練習嚇。

秘訣七:完善配備裝置
工欲善其事,必先利其器,玩Pokemon Go咁食電,尿袋梗係不能缺少。隻game玩一粒鐘大概用50mb,有無限上網plan或者用wifi就比較有so。

秘訣八:課金
講到尾,隻game都係鬥錢多。你畀到起錢,可以買高級版嘅精靈球,藥水、香薰等一大堆輔助物品,大前提係你都要有番咁上下level。
from:http://hk.apple.next ... 716/19697326

返回閒聊吹水區
上一頁 回覆 新主題 主頁
查看完整電腦版