至索前主播報喜蔡雪瑩誕7.2磅B仔母子齊喊

蔡雪瑩承認想再追囡囡，但會待囝囝長大一點再計劃。

恭喜添丁！現年29歲的前新聞小花蔡雪瑩（Snowy），在無線新聞部時曾有「至索主播」之稱。今年4月嫁給全國政協朱銘泉兒子、上市公司太子爺朱威霖（William），在灣仔君悅酒店筵開70席，當日Snowy已自爆陀B仔5個月，轉眼間B仔已於昨日出世。從Snowy公開的BB相，可以看出屬鼻大唇厚的得意B，眼仔睩睩十分可愛，Snowy表示全家上下都一早到醫院等見B仔，大家都好開心。

Snowy昨日接受《蘋果》訪問表示：「全部人都到齊呀，嫲嫲、爺爺同婆婆都嚟曬見孫仔。」她又說：「囝囝朝早差唔多八點出世，重3.3kg（約7.2磅），俾醫生之前預計輕咗啲，但係好健康呀！」

B仔出世重7.2磅，眼仔睩睩十分可愛。

蔡雪瑩今年嫁上市公司太子爺朱威霖，昨日一索得男生了個男B。資料圖片
餵母乳增免疫力

剛升呢做人母，Snowy透露產前一晚心情好緊張，昨日麻醉藥過後，傷口開始隱隱作痛，但她和老公心情都好興奮，她說：「我今次係開刀生，老公有陪產，我一聽到阿仔喊，已經流曬眼淚，醫生抱BB畀我哋睇，佢就即刻唔喊喇，仲好搞笑喺度玩口水。」笑問她「卸貨」後是否感覺輕鬆了？她笑謂：「我有偷偷地摸嚇個肚呀，真係扁咗，好開心呀！」問她覺得囝囝似自己還是老公？Snowy指助產士說BB跟老公如餅印，她自己就未看清楚。

此外，Snowy透露她會以母乳餵哺囝囝，希望餵半年，令囝囝免疫力會更好。至於囝囝是否已改名？她表示：「未改，呢啲咁重要嘅嘢等長輩去改，但都有少少概念，希望個名比較氣宇軒昂啲，大佬啲嘅名，因為始終係大哥哥，英文名等改咗中文名先諗嚇，有冇啲差唔多音，不過近排興Pokémon GO，老公就成日講笑話叫佢Peka。」

採訪：小米
from:http://hk.apple.nextmedia ... 160819/19741682

蔡雪瑩的B仔收水後，輪廓與爹哋十足餅印一樣。

蔡雪瑩、朱威霖
資料圖片
前新聞小花蔡雪瑩今年4月嫁給全國政協朱銘泉兒子、上市公司太子爺朱威霖，上周四剖腹誕下約重7.2磅的兒子。

蔡雪瑩連日都有在網上晒B仔萌樣，昨日更拍了一段短片，已經收水的囝囝，跟爸爸十足一個餅印，睡覺時樣子很甜，雪瑩感性留言：「雖然同你只認識三天，但已感覺你是我最愛的人。母愛真是非常神奇的東西，為了去看你餵你，傷口痛得要命也會忍住地走來走去，你一顰一笑也能牽動我的情緒，抱着半睡的你聽着柔和的音樂成了世上最快樂幸福的事。十分期待帶你回家伴着你成長，請你健康快樂，善待爸爸媽媽，我們永遠愛你！」網友紛紛送上祝福。

撰文：嵐山
from:http://hk.apple.nextmedia ... 160821/19744304

蔡雪瑩上周四剖腹誕下兒子，昨又在Ig晒B仔新相（下圖）。

有至索主播之稱的前新聞小花蔡雪瑩（Snowy）上周四榮升人母，為老公朱威霖（William）剖腹誕下約重7.2磅兒子。日前，她表示改名重任交予長輩，又透露會為囝囝改一個比較氣宇軒昂的名字，然後又講笑說要將囝囝英文名改為Pika，但昨日她在Ig公佈了囝囝真正英文名叫Wesley。

Snowy昨在電話中笑言：「之前講笑箒，英文名唔係叫Pika，不過中文名就仲未改。」已經回家休息的Snowy目前以母乳餵哺囝囝，問她會否感覺辛苦？她說：「OK呀，阿仔好肯食奶呀！」不過，說罷她又笑言要收回，因為怕讚壞囝囝會小器。

採訪：小米
from:http://hk.apple.nextmedia ... 160824/19747514

做得新聞行業，少不免都要捱更抵夜，更要「鐵腳馬眼神仙肚」，莫講話拍拖，想識個新朋友都難，所以有唔少新聞主播都會揀同業為對象，就好似前主播方健儀同談美琪，兩人先後喺10年同13年結婚，方健儀就下嫁新聞工程人員洪楚恆，而談美琪就嫁咗俾記者李國豪，而趙海珠就嫁咗比當年讀工商管理系碩士時嘅同學陳昊言，不過講到最威水，咁就一定係蔡雪瑩喇，佢喺上年同全國政協朱銘泉兒子、上市公司太子爺朱威霖（William）結婚，當時仲筵開70席。
from:http://hk.apple.nextmedia ... 170714/20089147

趙海珠同丈夫Vincent有一仔一女，4歲嘅仔仔Hayden喺媽咪嘅幫助之下，仲整到朱古力cupcake。如果一班新聞小花想幫BB們開個聚會，應該幾大陣仗，因為數數下，真係生咗好多主播二代㗎！

最令人注目嘅天氣女郎黃婉曼，上個月底剖腹生產，誕下6磅半囡囡Kyra，不過暫時都只係得拖手仔相。之前黃婉曼陀B時由24吋腰變到40吋巨肚，超級誇張。

鄭萃雯結咗婚6年，同攝影師老公小朋友都生咗兩件。呢位媽咪為咗有一個穩定嘅工作時間，選擇向大台新聞部辭職，轉任公關，為下年小朋友升學做準備。

蔡雪瑩上年4月同上市公司太子爺朱威霖（William）結婚，同年8月阿仔Wesley已經出世。呢一年嚟蔡雪瑩幫阿仔儲落唔少相，一歲生日會應該有排揀相裝飾喇。

至於談美琪另一半都係記者，佢同李國豪喺13年結婚，兩人育有一對孖仔。但談美琪辭職之後，都好少喺幕前出現喇。

想隨時獲得更多親子資訊，快啲like Easy PaMa Facebook啦！

https://goo.gl/1qWM8g
from:http://hk.apple.nextmedia ... 170807/20113772

蔡雪瑩隨囝囝一齊上堂，笑言自己比他更倦。

【星二代放暑假】現年30歲的前新聞小花蔡雪瑩（Snowy），去年嫁全國政協朱銘泉兒子、上市公司太子爺朱威霖（William），同年誕下囝囝Wesley，下周五Wesley便一歲生日。

Wesley在外籍導師協助下，在單槓上打觔斗。

外籍導師助Wesley打後手翻。

蔡雪瑩說囝囝上堂可學習和其他小朋友相處。

倒行平衡木

不少父母為令子女可以贏在起跑線，入學前已「軍訓」式催谷。不過，Snowy選擇帶囝囝報讀Baby Gym課程，希望他輕鬆建立自信。Snowy說：「其實我都有同囝囝報咗一個學前班，我同老公傾過，我哋都希望可以攞個平衡，Wesley四個月大就開始上堂，嗰時佢連翻身都唔識，朋友就介紹我去呢啲堂，上咗真係好好多，佢郁動多咗，開心同自信咗，最大分別係鍾意郁多咗。」

日前《蘋果》直擊Wesley上課，他人仔細細已非常大膽，外籍導師Terry托着他做後手翻、在單槓上打觔斗及倒後行平衡木，他依然冇有怕，見大家為他拍掌更會含蓄笑咪咪，Snowy說：「其實大部份運動都係想鍛煉佢嘅平衡力，同埋令佢增加自信，好似倒後行平衡木咁，佢踩唔中，自己搵番條木踩呢個過程，可以訓練到佢方向感同平衡力。」

出街好獨立

問Snowy可有計劃追個囡囡？Snowy表示一切順其自然，因為照顧一個都好辛苦，囝囝在家十分黐身，唯一出街時好獨立，老師都讚他好冷靜，和其他小朋友亦相處融洽。

採訪：小米
攝影：林德雄
場地提供：The Little Gym
from:http://hk.apple.nextmedia ... 170811/20117529

八位前新聞主播聚首慶新春，齊齊「撈起」互祝新一年順順利利。攝影：沈健程
新聞主播近年青黃不接，電視台當然頭痕，但主播們外闖卻處處開花，大家都有好成績。各散東西，八位前新聞主播蔡雪瑩、林燕玲、黃婉曼、鄭萃雯、葉昇瓚、姚雋彥、駱文捷及陳美茵趁新春相約吃飯，席間大談湊仔經，幸福人妻蔡雪瑩更謂幫兒子報了10間學校。

今日年初二，八位在不同時期擔任新聞主播或天氣女郎的前主播，齊集尖沙嘴食飯慶新春，分別是腹大便便的蔡雪瑩、新婚不久的林燕玲、第一代天氣女郎黃婉曼、兩子之母鄭萃雯、人父葉昇瓚、人夫姚雋彥、人妻駱文捷及八位中年紀最輕的陳美茵。八位前主播入職及離職有先後，故過去未有機會排排坐開餐，黃婉曼坦言齊人見面好開心，開餐前大家更應節齊齊「撈起」，希望新一年順順利利，幾位人母人父更大談湊仔經，雞啄唔斷傾不停。

黃婉曼囡囡半歲大，她表明今年想再追，為囡囡添個伴。

（右起）葉昇瓚與鄭萃雯和蔡雪瑩互派利是給對方子女。

剪片整Profile

各人又分享自己近況，去年7月榮升人母的黃婉曼，表示現在忙於照顧女兒，還要打理其麵包學校生意，她說：「以前以為開咗間舖就得，但其實好多嘢做，文書嘢都好多，但好唔想錯過囡囡嘅成長，所以𠵱家每日都會同佢影相，出門口就最唔捨得，要用一個鐘同佢say goodbye！」

前年為老公朱威霖誕下得意B仔的蔡雪瑩，早前宣佈再懷孕，現在陀B五個月的她，最近忙為兒子準備入學面試，更自爆「好癲」，替囝囝報了10間學校。她說：「做咗媽咪先知𠵱家學校面試連父母都要interview，我又同囝囝整咗個profile要剪埋片，𠵱家一個星期有兩日要去面試。」

至於去年4月榮升人妻的駱文捷，現轉職市場推廣及公關工作，她說：「年尾比較忙，因為要幫公司搞好多event。」在醫療公關公司任顧問的鄭萃雯，則表示新年前要完成大量醫生訪問，而新婚的林燕玲自爆廚藝欠佳，新年期間除會爭取時間見朋友，希望可以精進廚藝。

陀B女的蔡雪瑩，預產期在今年6月。互聯網圖片

蔡雪瑩前年為老公朱威霖誕下得意B仔，兒子即將入學。

葉昇瓚拉客
三年前已升呢做人父、有一女的葉昇瓚，太太去年再為他誕一子湊成「好」字，現於財經公司任公關的他，自認是好爸爸，即使換尿片都難不到他，他又與以前負責報體育新聞、現於樂視繼續做體育相關工作的姚雋彥齊齊「拉客」，笑指他們都會接freelance工作。另外，前年離開無綫，跟男友合資創業搞網上新聞平台的陳美茵，表示新一年依然會將全副心思放在工作上，希望有更好成績。

採訪：小米
場地提供及贊助：利寶閣（The ONE）
鄭萃雯葉昇瓚子女要聽話
（左起）鄭萃雯、蔡雪瑩、黃婉曼及葉昇瓚均已是人母及人父。

八位前新聞主播在工作上未必有有合作過，甚至碰過頭，但各人互相之間的友情，最終把大家連在一起。今次飯敍，蔡雪瑩坦言感覺好得意，幾年間大家都變化好大，問大家今年的新年願望，懷孕五個多月的蔡雪瑩表示最緊要生小朋友順利，肥肥白白。鄭萃雯及葉昇瓚就異口同聲表示，希望子女聽話聽教。

（左起）駱文捷、陳美茵、姚雋彥及林燕玲離開主播崗位後各有發展。

已經成家立室的姚雋彥及駱文捷除了工作順利，二人均表明希望當人父人母。去年生完囡囡的黃婉曼則希望今年再追一個，好讓半歲囡囡可以多一個伴，林燕玲就認為一家平安最重要。

【轉型發展】女嫁得好男工作多
林燕玲
無綫這幾年除了出現小生、花旦荒，就連新聞部出色主播都買少見少，過去幾年一個個排住隊離職，在工作或家庭生活發展都不錯。

34歲黃婉曼　馬主夫人
黃婉曼本月25日34歲生日，2009年加入新聞部報天氣，是無綫第一代天氣女神。10年離職，14年嫁給會計師兼馬主男友馮柏基，去年成為人母生B女，早前創業開了麵包學校。

39歲林燕玲　受聘岳少
「小飛俠」林燕玲曾在無綫及now財經台擔任主播，2011年離開主播行列，去年11月忽然宣佈已嫁金融才俊男友葉浩文。林燕玲一直在職場十分搶手，現於林建岳（右）的麗新集團擔任副總裁。

31歲蔡雪瑩　幸福少奶
2014年底離開無綫新聞部，前年4月跟上市公司太子爺男友朱威霖（William）結婚，同年8月誕下Wesley，早前宣佈再度有喜，現在陀B五個多月。

34歲葉昇瓚　財經公關
2015年離開無綫新聞主播枱，在職時觀眾緣頗佳，離職後轉任財經公關，15年太太為他誕下女兒，數月前再度榮升人父，多添一個兒子。

35歲姚雋彥　不離體育
現於樂視做體育相關工作的姚雋彥，16年5月離開無綫體育新聞主播崗位，同年9月與拍拖九年女友Janice在沖繩結婚。

28歲陳美茵　創立平台
11年開始在無綫做實習記者，至14年跳槽到nowTV，16年辭職創業，跟男友成立名為「Journesis」新聞平台，招攬記者同業以freelance形式參與。

32歲鄭萃雯　醫療公關
在無綫任職11年，由天氣女郎做到新聞記者，去年7月離職無綫，目前在醫療公關公司從事顧問工作，育有一對孖仔，老公是無綫攝影師潘國輝。

30歲駱文捷　嫁總督察
去年離任無綫新聞主播，轉做市場推廣及公關，承認轉工為了穩定工作，方便照顧屋企。同年她升呢做人妻，與任職總督察的男友結婚。