黃宗澤17歲選校草自嘲磨轆

藝人最怕被翻舊相，容易惹來變臉疑雲，現年35歲的黃宗澤（Bosco）近日被貼出17歲時參加過「YES！98校園花草選舉」的照片，早熟的Bosco當年chok爆放電卻落敗收場，不過網民仍讚他靚仔，而Bosco就自嘲當年成個磨轆。

雖說英雄莫問出處，現年35歲的無線小生黃宗澤最近被翻舊相，有facebook專頁日前貼出他於98年參加「YES！98校園花草選舉」的照片，當年只有17歲的Bosco已勁chok，事隔18年，Bosco更具男人魅，與胡杏兒甩拖後，身邊女伴換不停。

黃宗澤當年17歲時被同學出賣，報名參選校草。互聯網圖片

黃宗澤（右）出道時曾與張栢芝面貼面拍檸檬茶廣告。互聯網圖片
落敗發展好

學生時代的Bosco輪廓分明，天生明星相，他火併其他11位參賽者，其中一位參賽者竟是男版「翠如BB」。早熟的Bosco大擺回眸chok爆甫士，發放強勁電流，令人不禁想起梁朝偉在《無間道》中經典回眸一幕，遺憾他當年未能摘冠。不過塞翁失馬，焉知非福，同年Bosco跟張栢芝合作陽光檸檬茶廣告，翌年加入無線，獲網民大讚他當年今日都沒走樣。

Bosco前日直認是相中人，他在電話中說：「呢張陳年舊嘢都畀你搵到，之前啲同學貪玩，幫我掟上去。」不少網民大讚Bosco至今都保養得宜，保持靚仔樣，他講笑說：「嚇！唔係嘛，成個磨轆咁喎！」雖然他在眾參賽者中算標青，但最後竟然落敗，至於當年冠軍屬誰，Bosco說：「唔記得啦，咁多年前。」

Bosco雖然口口聲聲自嘲17歲時磨轆樣，但相信仍緬懷當年的青春無敵，他昨日在微博轉貼這張陳年舊相，並留言：「看到這張照片，就想起劉德華大哥的一首名曲《17歲》！」

陳展鵬當年的青澀樣也曝光。

獲邀出閃卡

90年代《YES！》舉辦的校花校草盛產靚仔靚女，變相是明星搖籃，藝人樂於擁有自己的閃卡。澳門商人徐明華去年以7位數字買入《YES！》，繼續推出藝人閃卡，最近更印製好Super Girls的閃卡。徐明華昨表示有意替Bosco出新閃卡：「如果佢肯，我都想再同佢影，我哋係有個『校花校草同學會』，𠵱家構思幫大家出一輯新相，有埋新舊對照相仲好玩。」

此外，陳展鵬當年為《YES！》做model的青澀樣曝光，他昨短訊回覆：「證明冇整過容，食咗幾年死貓。」對被指造型MK，陳展鵬續說：「係木村拓哉風。」

採訪：鍾國仁、楊定
from:http://hk.apple.nextmedia ... 161021/19807078

黃宗澤出道以來都喺大台工作，2002年拍《衝上雲霄》上位，多年嚟被大台力捧，拍劇、唱歌、拍電影乜都試匀，不過都引申唔少笑料。

就好似08年《野蠻奶奶大戰戈師奶》播出嗰陣，有網民發現男主角黃宗澤喺劇中同胡杏兒有一幕佢竟然「火車未到站」（冇拉褲鍊），當時成為網民熱話！

不過講到佢最「驚為天人」嘅一定係佢嘅唱功，佢當年參加「2008年度勁歌金曲頒獎典禮」，節目中黃宗澤被抽中同陳奕迅輪流唱陳奕迅嘅《K歌之王》。黃宗澤卻唱得上氣唔接下氣，仲係咁走音。
from:http://hk.apple.nextmedia ... 161021/19807155

黃宗澤主演的《幕後玩家》，前晚首播。電視圖片
《幕後玩家》前晚播出第一集，男主角黃宗澤（Bosco）已經疑似爆粗。一開始的劇情是Bosco要為一單棘手的公關危機拆彈。

話說Bosco公司接了皮草活動，偏偏請反皮草歌手行騷做嘉賓，身為公關能手Bosco、張繼聰和蕭正楠，在活動上轉危為機，當Bosco見到位反皮草歌手的時候，忍不住拋下一句：「呢個真係戇X鋒鋒呀。」這句疑似粗口「戇X鋒鋒」，相信Bosco應該想講「惡搞鋒鋒」，但是可能他講得太快又順暢，所以聽到發音疑似是粗口。除此之外，有網民大讚Bosco夠型、張繼聰有男人味，但係對蕭正楠就好苛刻，話佢係襯托Bosco同張繼聰。

撰文：非非
from:http://hk.apple.nextmedia ... 161026/19812002