林峰吳千語恩愛闢謠

young@2017-06-07 18:14


吳千語與林峰被指於三個月前分手,身在橫店拍劇的峰語昨日齊聲否認。資料圖片
現年37歲的林峰跟23歲的吳千語拍拖五年間,愛到難捨難離,假如他們宣佈結婚,大家都不會奇怪。但昨日卻有週刊報導,指峰語二人已於三個月前分手,原因是男方父親、有「廈門李嘉誠」之稱的林華國不接受這位準新抱,報導又指千語已有新富商對象。

林峰近日在橫店黐毛扮孫悟空拍劇集《大潑猴》。

千語密友馬天祐昨力證峰語感情甚好。資料圖片

去年5月,林峰曾與父母一起陪女友到養和醫院看醫生。資料圖片
傳計劃明年秘婚

報導稱林峰雖然對女友疼愛有加,送名牌、蜜遊世界及以九萬元月租提供豪宅給女友絕不手軟,惟千語仍過不了父親一關,林爸爸對這位準新抱有微言,可能跟她的出身有關,千語亦對多年來名下沒有樓揸手耿耿於懷。因此有指千語藉機在飯局上結識了另一位富商,並且在三個月前向男友林峰提出分手,自此便不避嫌跟異性夜蒲。

目前身在內地橫店影城拍戲的千語,昨日以短訊回覆本報表示:「報導是無中生有的,所有事都一切正常,不是事實的不回應了,謝謝。」同樣身處橫店為內地劇《大潑猴》開工的林峰昨也以短訊回覆:「不是事實的,一概不需作回應。」據知其實林峰跟千語已計劃明年秘婚,待婚禮完成後才公佈喜訊。

天祐:非常Sweet

另外,身在台灣、千語的密友馬天祐昨日接受電話訪問時,完全否定了週刊的報導,他說:「我同千語BB有keep住message,唔知何來嘅富商,我同千語BB都笑完呢單新聞,佢哋兩個𠵱家都喺橫店拍緊戲,雖然係唔同嘅戲,但佢哋都有見面有食飯,非常之好、非常之sweet,我哋睇到都好好笑,我哋都一齊笑,好想知嗰位富商係邊個,可唔可以搵張相出嚟睇嚇?呢個報導點講都得,我覺得絕對冇呢樣嘢囉!」對於報導指林峰的富爸爸不喜歡未來新抱,馬天祐表示要問回當事人才知道,但自己一直未聽好友提過。

採訪:王梓嫚、唐琛悠、唐如
from:http://hk.apple.next ... 607/20046648

#1 有料爆!吳千語狠撇林峯3個月

吳千語同林峯拍拖多年,人前人後都表現恩愛,但近日《頭條日報》爆料稱千語BB於三個月前正式同林峯講Bye Bye,已戀上另一有米男友! 《頭條日報》報道,同千語拍拖五年,為滿足大使女友嘅林峯所剩無幾,所以近年萬般不願都要去內地剃頭拍劇,有時忙到返香港一日就要回歸內地,搞到年輕女友千語BB寂寞難耐,近年孖實當年同王愛倫細仔Derek Lim拍拖時識的富貴朋友,去玩去飯局;有指千語BB於三個月前已經和好愛好愛好愛她的林峯分手,千語BB並已搭上本地中年富商,雖然「峯語戀」玩完,但痴心林峯仍想同復合,所以唔願宣佈分手。 千語BB同林峯出席公開活動已是去年5月,近年已甚少見二人拍拖晒愛的情景。 早前,傳媒拍得吳千語孖住王愛倫細仔Derek Lim夜蒲。 有內地劇組工作人員爆料,指林峯喺片場唔多出聲,表現傷心,經常拎住電話若有所思,一臉陰功樣。 千語BB和身旁嘅紋身型男擺明互冧。男方用屎橋「睇掌」,成功捉實BB隻手,即時笑得好甜。 早前,傳媒拍得千語BB扮到靚一靚,同富二代夜蒲,飲多兩杯任壯男拖手離場,二人又會情深望,原來當時已跟林峯分手。

#2 單拖逼商場千語PS4取代林峯

【買機解悶】 與林峯分隔兩地的吳千語,日前去買PS4玩。DV圖片 吳千語的男友林峯正在內地橫店拍戲,沒有男友陪伴的日子,千語日前獨自到銅鑼灣逛街。一身輕裝打扮露美腿的她,當晚大約7時手持購物袋在利園商場外等的士,之後去了灣仔東方188商場,到埗後直上一樓一間遊戲機店,店員見她現身即自動自覺拿出一部PS4,千語迅速付款後離開。 由於當時正值放工時間,商場人流較多,有男途人認出她,千語即戴上黑超。她之後坐的士到附近接一位女性友人,一起去西環嘆湖南菜,吃完晚飯後,千語去了便利店買飲品,而同行女友人就買了大袋零食。 【約友開餐】 千語和朋友嘆湖南菜後,齊齊離開。 林峯。資料圖片 馬天佑前晚指好友千語和林峯關係好。 天佑:佢哋好好 此外,剛過了生日的馬天佑,獲好友千語安排一個特別的生日會,前晚天佑在中環出席時尚雜誌活動,被問到千語和林峯是分手抑或結婚時,天佑說:「以我所知佢哋好好,如果佢真係結婚,我會二話不說出盡力幫佢搞,唔止搵衫,乜都幫佢搞。」 採訪:畢紹基、徐錦池 攝影:孔志豪、沈健程 from:http://hk.apple.next ... 625/20067513

#3 吳千語冇林峯陪着幾千元白恤衫行街晒筷子腳

早前傳吳千語與林峯手已分,二人口徑一致以「不是事實的不回應」回應傳聞。不過林峯最近在橫店開工,與女友聚少離多,千語BB只好單拖shopping,日前就見她由銅鑼灣打的去灣仔東方188商場,急買PS4遊戲機,之後會合女友人去西環食飯解悶。 紮馬尾的千語BB着長身白恤衫,長度剛好遮短褲,大騷筷子腳。恤衫領、襟前、手袖綴藍白紅三間,相信是Thom Browne簽名式設計,最新的類似設計索價逾9千元,最basic的白恤衫都要逾3千大元。她腳踏炒鞋Yeezy Boost350 V2,手挽Celine過萬元Cabas系列皮革tote bag,casual得來,全身都是貴牌出品。 from:http://hk.apple.next ... 627/20070386

#4 林峯爸爸係「廈門李嘉誠」Juno老竇十億身家勁富貴

喺呢個世代歌手真係唔易做,如果家底好就梗係有著數,起碼唔使養家。 喺大台拍劇出身嘅林峯,不時幫劇集唱主題曲,而喺07年仲正式加入樂壇,無論拍劇定唱歌都有番咁上下成就。不過都唔夠佢爸爸犀利,林爸爸林華國係廈門著名地產商,仲有「廈門李嘉誠」之稱,有指佢坐擁20億地產王國。 2002年出道嘅Juno麥浚龍亦唔惹少,當時其父係中建電訊集團主席麥紹棠嘅身份隨之而公開,保守估計麥紹棠至少有十億身家。 Kelly陳慧琳早已經係樂壇天后,不過佢爸爸陳崇偉仲勁,從事珠寶生意嘅,並喺中環太子大廈開設珠寶店「Chen Brothers Arts Company」。 from:http://hk.apple.next ... 630/20073998

#5 向林峯耍冧戒蒲傳吳千語搬入新愛巢

林峯曾經喺傳媒面前講過7次「好愛」吳千語,不過上月傳出佢哋喺今年2月已分手,原因係林峯嘅爸爸,即係有廈門李嘉誠之稱嘅林華國唔接受,不過事後佢哋話唔係事實,唔會回應。 昨日有報道指因為千語BB喜愛夜蒲,加上又有傳識咗富商新男友,於是乎林峯決定分手,但最後千語向林峯耍冧兼唔再夜蒲,積極工作,結果成功復合,千語BB仲入住林峯嘅薄扶林新居。 日前林峯單拖去中環ifc嘅超市買嘢,佢大方接受訪問,講到千語BB仲笑得好甜,佢話遲啲會去旅行充電,屋企人亦都冇催婚,冇呢方面嘅壓力。 from:http://hk.apple.next ... 721/20096469

#6 操肌備戰9月開騷林峯唔妥千語私自夜蒲

林峯之前剃頭拍劇,昨日現身廣州演唱會記者會,頭髮已長出不少。 【廣州直擊】林峯去年底拍內地清裝劇剃光頭後,再黐毛扮孫悟空,完成兩個劇集拍攝,昨日終於變回時裝人,在廣州出席9月23日舉行的「Heart Attack」演唱會記者會。主辦單位向他送上巨心氣球及68片寫有歌名的竹簡,預祝票房大賣。 林峯表示要為9月演唱會操肌,相信會無啖好食。 大會昨日準備了一個大心心,預祝林峯《Heart Attack》順利。 林峯強調與女友吳千語感情穩定,早前曾去旅行。資料圖片 女友唔睇廣州騷 林峯於記者會開始前接受傳媒訪問,頭髮已慢慢長出的他,表示近日已開始操肌,因為去年開演唱會好弗。他透露演唱會編排基本跟去年香港的一樣,機關會輕微改動。早前林敏驄紅館演唱會冧升降台,林峯說:「都怕㗎,但工作人員怕啲,不過都OK嘅,之前都會check清楚。」 最近有傳他和23歲女友吳千語情變,那千語BB會否去廣州捧場?林峯笑言:「唔會喇,上年香港都睇咗!」問他可擔心分手傳聞再升級?他續笑謂:「估唔到唔喺香港6、7個月,大家都咁關注我。」 林峯語氣堅定否認分手,指他不准千語BB夜蒲,他表示沒有這回事,還講笑說最不滿是沒有帶他去。傳林爸爸對千語BB不滿,林峯指爸爸根本不知道有這些新聞。揚言和千語BB感情穩定的林峯,被問到可有結婚計劃?他說:「大家都係工作為先,佢年紀都細,要好好做嘢!」 林峯透露,早前跟千語BB去了歐洲旅行一星期,同行還有其他朋友,至於千語BB是否已進駐其8千萬愛巢?他說:「男女朋友探吓好正常,我哋各有各住,拍拖都有自己空間!」豪宅有否加千語BB名,林峯亦表示私人事不回應。 採訪、攝影:曾小嘉 from:http://hk.apple.next ... 726/20101178

#7 吳千語三十歲嫁林峯

視林峯為結婚對象的吳千語自言要做好事業。 吳千語、譚耀文等人昨日在柴灣出席開幕禮,陳靜戴口罩低調到場,逗留一會離開。之前傳聞吳千語跟林峯分手,她否認,並指二人之前與友人到法國旅行:「耐不耐就傳分手又結婚,唔想回應。我哋各有各忙,半年冇去旅行。」 有指林峯送樓築愛巢:「唔關我事,我打算自己置業。」男方家人沒催婚,現年23歲的千語希望約30歲結婚,但到時林峯已44歲,較老當父親,她說:「呢啲係緣份,我都想結婚即生,但都要做好事業。」她又視林峯為結婚對象,但兩人忙得沒時間計劃結婚。 採訪:王連連 攝影:陳順禎 from:http://hk.apple.next ... 803/20109768

#8 千語要周殷廷保護

吳千語擔任周殷廷的新歌MV女主角。 吳千語昨日在觀塘為新人周殷廷拍MV,並擔任女主角,以保鑣造型現身的周殷廷說:「今次新歌係想講一個身份好懸殊嘅愛情故事,於是諗到係保鑣同埋女客戶,新歌未諗到歌名,但就定咗本月底出。」 周殷廷謂千語BB似一個需要受保護的女仔,完全符合新歌條件。問到事先可有問過千語男友林峯?他笑說:「冇喎,我唔識佢。」千語BB說:「我有同佢(林峯)提過。」問到多年來為何從未替林峯做MV女主角?千語笑說:「佢鍾意鬼妹model㗎嘛。」 採訪、攝影:曹家誠 from:http://hk.apple.next ... 806/20112722

#9 林峯感情事封嘴拋波畀千語答

藝人林峯闊別本港電視圈5年,以英皇網劇《PTU機動部隊》作「復出」之作。記者會上被問到感情事即封嘴的他,透露已與古天樂經理人簽約,成為宣萱師弟,又指與前東家英皇關係好,日後會繼續合作。 楊受成與英皇網劇《PTU機動部隊》眾演員在記者會上大晒冷。 林峯、蔡卓妍(阿Sa)、張繼聰、方中信、譚耀文、溫碧霞、新人麥亨利及楊天宇等,昨午出席由英皇高層霍汶希出任製作人的網劇《PTU機動部隊》記者會,場面相當熱鬧。首次有機會穿上制服拍劇的林峯心情不錯,談拍劇問題滔滔不絕,但當提到女友吳千語,他即封嘴:「佢仲喺內地拍緊嘢,佢仲忙過我,我哋有聯絡嘅。(傳佢有新男友。)你問番佢啦,佢都係藝人,感情事唔講嘞,要講都講晒!」至於吳千語則透過電話回應:「不好意思,感情事不回答,謝謝!」 過檔簽古仔經理人 對於被指已約滿英皇,林峯說:「呢套係約滿後第一套雙方合作嘅劇,多謝楊受成先生同Mani(霍汶希)。(簽咗古天樂,成立自己工作室?)係簽咗畀佢經理人Ronnie,我同宣萱同公司,但未成立工作室,我想做好啲自己先。」阿Sa戲中與林峯及張繼聰都有微妙關係,首次在港拍劇的她因扮演女警,故戴短假髮配合造型,又指戴假髮令她頸部痠痛。阿Sa表示拍其中一場爆破戲發生小意外:「要就機位行埋啲,點知一爆啲碎片彈落我同拍檔塊面度,我好彩只係瘀咗,佢即刻流血呀!」 林峯與蔡卓妍宣傳網劇大談角色,但一講到吳千語就封嘴。 石修(左起)、盧慶輝、張繼聰、譚耀文、麥亨利、楊天宇及王藝霖合拍新劇。 吳千語我好忙o架!(設計對白)盧慶輝已婚有個仔 另外,方中信及譚耀文於戲內齊扮演警司,已20年沒有在港拍劇的譚耀文笑指自己今次「改邪歸正」演忠角。而「消失」多年的盧慶輝今次返港客串,透露自己結婚7年,育有一名4歲囝囝。 文:影視組 傳千語移情富二代 林峯唔敢答:你問番佢 有五年冇返香港拍劇嘅林峯,飾演阿Sa下屬,佢話同吳千語有聯絡。 林峯、蔡卓妍(阿Sa)、張繼聰、方中信、溫碧霞、鍾淑慧同好耐冇見嘅盧慶輝等,噚日喺西九龍W酒店出席網劇《PTU機動部隊》發佈會。五年冇返香港拍劇嘅林峯,喺劇中飾演PTU,仲係蔡卓妍嘅下屬。林峯離開英皇後轉投古天樂公司,問佢係咪會自組工作室?林峯就話:「我想先搞掂自己嘅工作,尤其係內地,都想有唔同嘅嘗試。」 提到同吳千語嘅感情,林峯話:「佢𠵱家喺橫店拍緊嘢,好忙,我哋有keep住聯絡,但感情就唔講,多謝大家關心。」有傳吳千語搭上富二代?林峯笑住話:「呢啲你問番佢,佢都係藝人,唔使我代答。」 阿Sa噚日戴住假髮出現,佢解釋因為做緊演唱會唔可以剪短頭髮。講到之前部劇拍爆炸戲受傷,阿Sa話:「當日拍嘅時候,我要就機位,所以企近咗,點知一炸,啲碎物彈到塊面,瘀咗少少。」 張繼聰就話無綫台慶頒獎禮當晚喺屋企睇電視支持,對於當晚《誇世代》監製上台領獎有提佢個名,張繼聰話:「監製有雷!其實冇可惜,完成呢個章節係好開心。」 吳千語 資料圖片 (左起)石修、張錦程、張繼聰、方中信、林峯、楊受成、蔡卓妍、溫碧霞同譚耀文噚日出席網劇發佈會。 定居北京的盧慶輝回歸拍劇。 盧慶輝追B 有18年冇喺香港拍劇嘅盧慶輝,喺內地做過地產同文化公司。問佢今次係咪返嚟過戲癮?佢話:「都唔係,我諗住係正職。」慮慶輝話結咗婚七年,囝囝都四歲,𠵱家定居北京:「個仔好玩到不得了,我有打算再追多個。」 撰文:馮仁昭

#10 懶理戀情告急林峯落力討好楊老闆

林峯跟吳千語拍拖五年,由昔日愛得高調,至近大半年戀情告急,千語BB更被傳搭上被喻為「富三代」、前全國政協施子清的長孫施伯雄。早前,千語BB也直認與林峯已多過兩個月冇見,雙方只是間中聯絡。 情海隨時翻波,事業為重的林峯,還是埋首工作,除了自組工作室做老闆外,又回歸香港拍攝英皇網劇《PTU機動部隊》。當日,完成拍攝的他,原本已準備離開,但一見英皇集團主席楊受成到來探班,立即留低招呼,兼陪打牙,落力冧老闆。情路受阻,總不能連財路都斷埋! 在內地的工餘活動多籮籮,千語BB一收工便在助手陪同下,既四圍尋找美食,又外出買餸煮飯。 收拾心情林峯自一三年戀上千語BB後,五年來一直對女友千依百順,即使財力、心力盡出都無詐型。不過,個性進取的千語BB;有傳,她去年五月結識了前全國政協施子清的長孫施伯雄,洞悉對方的背景和財力比林峯更高一班後,「峯語戀」因而生變。早前就分手一事,二人的回答都耐人尋味,林峯表示︰「我哋間中有聯絡!」至於,千語BB也不願確認林峯的男友身份,只說︰「少見!畀啲空間我哋!」 與千語BB感情轉淡的林峯,已收拾好心情投入工作,一邊廂作新嘗試做老闆自立門戶,另一邊廂則參演英皇的網劇《PTU機動部隊》,將時間填得滿滿。日前,他聯同蔡卓妍(阿Sa)、方中信、譚耀文等在新蒲崗為《PTU》拍外景。同是飾演機動部隊的他們,全副武裝上陣。雖然林峯備受情困,但未見受影響,依舊笑臉盈盈地跟身邊的對手吹水。 當日,現場拍攝的一場示威戲,動員過百臨時演員上陣,場面混亂,林峯更要被示威者箍頸。雖然是大場面,但拍攝順利,導演僅幾take便收貨。而林峯完成自己的戲份,跟劇組交代過後,便準備收工。 感情失意,寄情工作的林峯,日前在拍網劇《PTU機動部隊》期間,一見前老闆楊受成大駕光臨探班,他即挺身而出相陪,冧到楊老闆笑個不停。 至下午四時,林峯已完成拍攝的部份,於是帶着自家的助手、化妝及髮型師準備走人。

返回娛樂新聞交流區
上一頁 回覆 新主題 主頁
查看完整電腦版