陳煒驚爆離婚5年老公有新歡

陳煒加盟無綫後博到盡，曾在台慶跳肚皮舞大賣性感。資料圖片
現年43歲的陳煒於08年跟細三年的台灣富商顏志行結婚，息影做跟得夫人，直至五年前陳煒復出加盟無綫拍攝《法網狙擊》，已不時傳出她與老公聚少離多，二人婚姻亮起紅燈。去年更有傳陳煒老公身邊多了台灣歌手鄭雙雙，二人不時出雙入對，女方更經常出入其私房菜餐廳，但陳煒一直否認婚姻有問題，除多次力斥傳媒炒作新聞外，去年10月她為無綫主持《煒哥的味道》時，竟找老公出鏡一起煮食做騷晒恩愛。

工作麻醉自己

直至昨日，有周刊指陳煒的九年婚姻玩完，月前她去橫店拍《深宮計》時，老公未有前往探班，反而跟現年27歲的鄭雙雙到峇里出席朋友婚宴。報道又指陳煒一個月前跟老公和平分開，而原定跟老公報讀心理學課程，挽救婚姻，最後都取消，而她跟老公分開後，全情投入拍攝新劇《果欄中的江湖大嫂》，用工作麻醉自己。
原來陳煒在五年前已跟顏志行離婚，昨日她接受傳媒訪問時，直認五年前復出拍劇時，已跟老公離婚，原因是彼此感情有變而分開，但雙方仍保持友好關係。陳煒昨回應：「今日全日忙拍嘢，多謝，我𠵱家又埋位，暫時唔方便講嘢。」

陳煒昨日承認早在五年前已跟台灣富商老公顏志行感情有變離婚。資料圖片

鄭雙雙去年在Ig貼與顏志行合照，有指她不時現身男方的私房菜餐廳。

去年陳煒在節目《煒哥的味道》邀請老公亮相晒恩愛，原來二人「做戲咁做」。資料圖片
劉錫賢嘆可惜

跟陳煒老友鬼鬼的劉錫賢和蔡國威，原來對陳煒離婚全不知情，劉錫賢昨說：「佢去咗無綫之後大家各有各忙，少咗聯絡，聽到呢個消息真係好驚訝。我哋雖然老友，但大家好少講私人事，所以真係唔知。聽到呢個消息真係覺得好可惜，但呢個始終係佢個人決定。」蔡國威則說：「好驚訝，一直冇聽過，完全唔知。上星期我喺公司見到佢，佢仲好開心冇異樣，無論點樣，作為佢朋友，我都會支持，希望佢活得開心。」
採訪：魯吉、陳杰
from:http://hk.apple.nextmedia ... 170809/20115522

資料圖片

近日驚爆43歲嘅陳煒五年前同台灣富商顏志行離婚，而有報道就指台灣歌手鄭雙雙係「第三者」，陳煒前日就話：「絕對唔係（第三者），佢哋冇任何關係，都係朋友，佢哋只係有共同朋友，咁啱有個朋友喺峇里結婚，分別請佢哋去飲，先會喺同一個時空出現，絕對唔屬實。」陳煒仲話同前夫保持好友關係，咁有冇機會復合？陳煒就話：「唔知，所以我一路將自己感情同婚姻保持咁低調，唔想去講。」

撰文：馮仁昭
from:http://hk.apple.nextmedia ... 170811/20117679

43歲陳煒保養得宜、演技又正，又肯瞓身去演，絕對勝過一眾上位小花，喺大台發展唔錯。而處理感情上，煒哥一向好低調，就算5年前台灣富商老公顏志行主動提出離婚，煒哥都係獨自返港搵食，靠友人同工作捱過傷痛，亦冇講過前夫壞話，直至有報道指「老公」戀上台灣歌手鄭雙雙，見鄭雙雙無啦啦變咗「小三」，煒哥先認已離婚。

昨日有報道指，煒哥於2012年離婚後返港，冇地方住，當時前夫提出買樓俾佢當贍養費，但煒哥覺得二人感情仍然友好，可能婚姻有得掹，所以未有即時答應，點知等咗一年，發現關係冇改善，反而事業發展幾好，煒哥先決定接受前夫嘅安排，喺2014年由前夫出錢買咗貝沙灣一個高層千呎豪宅，市值二千幾萬，煒哥揸咗一年，就以三千幾萬賣咗，轉手賬面賺650萬。
from:http://hk.apple.nextmedia ... 170817/20123586