唐文龍早前被夏雨潑奶茶一幕成為網上熱話，在中港人氣齊齊急升！文龍昨日出席活動時感謝夏雨「潑醒人氣」，更坦承已有不少工作接洽，即場數數手指十隻都唔夠數！而夏雨指劇集已在內地播畢，終於有時間翻看，大讚一班後輩表現不錯。
唐文龍人氣急升，Job接Job有排忙。
藝人唐文龍、夏雨、李司棋、莊思敏與李國麟等昨日到尖沙咀出席「正爸正媽請飲茶」活動，宣傳進入結局周的劇集《溏心風暴3》。現場宣布內地點擊已接近15億，一眾演員即場上演小劇場，夏雨與劇中「恩公」李國麟玩「HeHe」，被李司棋取笑「斷背」並潑茶。而曾被夏雨潑得一身奶茶的文龍亦參一腳，向夏雨「請飲茶」，但潑茶報復不果被對方靈活閃開。
多謝潑醒人氣
講到有機會向夏雨「報復」，文龍笑說：「終於有機會還手啦！上次不知情咁潑到成頭奶茶，仲要係甜嘅，好澀眼，今次我有備而來戴番眼鏡！不過都要多謝佢潑醒咗我嘅人氣。」人氣急升的文龍被問到是否成為搶手貨？他即時數數手指，問是否十隻手指都不夠數，他笑說：「剛剛北京返嚟，有同幾間製作公司傾過，樂觀啲睇都有3、4單會成事，都係拍吓網劇同電影。（留北京發展？）兩邊都忙，我都鍾意喺香港發展。（TVB有再搵你？）有，唔急嘅，都有香港電影搵我，最多謝大家咁包容我呢個賤男角色。」
夏雨先後被李司棋及唐文龍潑茶，但都避得過，好身手！
放大圖片
夏雨（右）挨住「恩公」李國麟膊頭玩「HeHe」。冇拉票爭視帝
夏雨被問到是否藉「請飲茶」向同劇演員拉票爭視帝，他笑說：「冇啦！順其自然。」他表示不少人已在網上收看大結局，自己亦終於有時間回頭收看劇集：「終於睇番香香（岑麗香）同黃翠如兩段後生仔愛情戲，香香演得好好，身為鬼妹仔，每個字都要人教。」劇中夏雨盲目地報恩，他坦言有少少爭議，李司棋則笑說：「佢呢個咪《書劍恩仇錄》個鐵膽莊莊主囉！」
文：影視組
唐文龍奶茶潑夏雨
《溏心風暴3》「正爸」夏雨同「正媽」李司棋噚日喺尖沙嘴請食飯，正媽仲作狀向正爸潑茶，之後唐文龍又加入戰團，還擊當日喺劇入面被潑奶茶之仇，但係正爸身手靈活，兩次避過。
唐文龍因為正爸潑奶茶一幕，人氣急升：「我剛剛由北京返港，有跟幾間製作公司接洽，傾咗3、4個項目，新年前應該有兩個可以落實，都係網劇同電影。」
撰文：馮仁昭
