歌手周國賢（Endy）繼去年12月在旺角麥花臣場館舉行《銀河鉄道之夜》演唱會後，踏入新一年，再次在同一場地加開兩場，前晚舉行尾場演出。Encore環節，Endy請來當年所屬樂隊Zarahn三位隊友，齊齊上台「合體」Rock爆演出，他表示樂隊最近一次演出已是2012年的事，希望日後有機會在更大的場地一齊演出，但坦言有難度：「因為鼓手Jerry做咗飛機師，佢真係打鼓走咗去炒股，跟住仲做埋飛機師，揸長途機好叻仔呀！佢哥哥Joey（低音結他手）就係某潮州酒家嘅太子爺，開咗好多分店，所以，反而佢哋最難夾時間！」
周國賢分開兩次開騷，略嫌唔夠一氣呵成。
Endy完騷後受訪，問到演唱會會否再開Part 3？他坦言：「如果連續做落去就好啲，呢兩次係隔開咗，有凌空吊住嘅感覺，搞到我已經兩個月冇打邊爐喇！」提到尾場演出父母都有捧場，Endy透露農曆新年會全家總動員去新西蘭旅行，笑言要租旅遊巴先掂！
周國賢邀來Zarahn隊友合體演出。
周國賢想Zarahn再合體
周國賢前晚舉行演唱會尾場，之後就會收爐等過年。
周國賢前晚在旺角舉行「銀河鐵道之夜演唱會」尾場，獲父母捧場，而前樂隊Zarahn三位隊友亦壓軸現身上台獻唱，現場氣氛熱烈。周國賢說：「今次part2好快就完咗，part3要等我唞唞，兩個演唱會中間隔咗一個月，好想食嘢同打邊爐都唔敢，好期待打邊爐，𠵱家收爐喇！過年後有新工作計劃，新工作計劃前會同家人去旅行，想去新西蘭，不過新年前啲機票都好黃金，要諗一諗。」
至於Zarahn再度合體，周國賢說：「對上一次同台係2012年，鼓手Jerry去咗炒股，之後做咗飛機師，佢大佬Joey係潮州酒家太子爺，佢哋都好難夾時間，都想Zarahn再開一次演唱會。」
採訪：盧妹
攝影：陳慧安
