唐紫睿患病激瘦不足百磅醫師開人參調理

仲記唔記得ViuTV《G1格鬥會》第一屆拳后Hazel唐紫睿呢？大家有無發覺佢瘦咗，個樣睇落又唔同咗呀？其實係有個好慘豬嘅原因架！









是咁的，最近流感肆虐，Hazel成家都中咗招，大人細路無一幸免，其中最慘係兩個姨甥，其中一個仲入埋院添。Hazel自己都病咗兩個星期，好返之後仲要負責照顧姨甥，搞到5呎8吋有多嘅佢，竟然激瘦十幾磅，得返唔夠100磅。難怪去睇中醫調理，醫師要開啲含人參成份嘅藥俾佢補補啦。好多女性成日覺得愈瘦愈好，但Hazel瘦得過份，面都凹晒。公司為咗佢唔好瘦骨嶙峋咁見人，仲要故意幫佢化返個睇落飽滿啲嘅妝，先至可以出嚟工作，認真陰公。