市面上雞蛋林林總總，有產品標榜含奧米加3或奧米加6，又有產品聲稱含乳酸菌，甚至是蟲草素。
少以激素催谷蛋雞生長
港大生物科學學院食物及營養學系副教授李子誠表示，母雞生蛋原理上與女士懷孕差不多，在飼料中加入如奧米加3或維他命等營養素，便有機會經母雞傳到雞蛋。
李教授指，「正常雞蛋本身奧米加3嘅含量唔會多，一定係經母雞嘅飼料加入去，先會提升到雞蛋入面嘅含量」。但乳酸菌或蟲草素等，他則未有聽聞。
激素或抗生素又會否經母雞傳給雞蛋呢？香港蛋業商會理事長楊金炎指，雞隻可分蛋雞和肉雞兩種，前者主要用來生蛋，後者則供食用，一般只有肉雞才有機會為加快成長而被注射激素，「母雞產蛋始終需要時間，冇可能打激素要蛋雞加快長大」。
至於抗生素，有微生物專家認為，由母雞傳至雞蛋的機會不大，消費者不用太擔心。
《蘋果》記者
專家之言
【每周不應超過5隻】
尚營坊高級營養師黃凱詩：
「雞蛋每隻大概平均重50克，參考美國農業部資料，每隻膽固醇含量約215毫克，以體格正常嘅成年人每日建議攝取上限為300毫克計算，一日唔應該食多過一隻，每星期就唔應該多過5隻，因為其他食物都一樣有膽固醇；亦要留意食物嘅反式脂肪含量，因為反式脂肪會令身體自行製造更多膽固醇。」
【飼養形式影響水平】
港大食物及營養學副教授李子誠：
「每個地方嘅泥土同水質、食嘅係乜嘢飼料，呢啲都會影響母雞所生雞蛋嘅膽固醇含量，但食物中嘅膽固醇對人體膽固醇水平嚟講，其實並唔係最重要嘅影響因素，一個人係咪高膽固醇，要睇埋佢自己本身嘅遺傳基因，雞蛋內飽和脂肪、反式脂肪及食物纖維等，都會影響人體從食物攝取幾多膽固醇。」
from:
http://hk.apple.nextmedia.com/news/art/20131203/18534449
