遊戲資訊交流區

主頁 上一頁
Pokemon Go 11新功能曝光,傳說級小精靈開放!
young@2016-07-26 21:02

玩咗足足一整日Pokemon Go,大家係咪覺得仲未夠?Niantic 官方就係呢個時候放出遊戲之後嘅消息,超吸引!大家最期待嘅傳說級小精靈,城市、國際級比賽,交易系統等等都即將會開放!然而更多人留意嘅係,紅、藍、黃小隊現真身了!

1.隊長現身作出建議
比起各小隊隊長將會喺遊戲中出現,適時俾建議玩家,大家都集中喺道討論各隊長嘅造型。好似有網民覺得黃隊Spark 造型好似「MK 潮童」,而紅隊Candela、藍隊Blanche 原來係女仔!

2.更多彩蛋
暫時大家都知嘅彩蛋,好似初期可以得到比卡超,伊貝改名可以進化成唔同屬性咁,原來都只係彩蛋嘅十分之一,睇來大家有好多時間可以慢慢發掘遊戲綵蛋!

3.小精靈追蹤道具
常日見到右下角顯示附近有小精靈,但放曬Lure、Incense 都唔見小精靈出現?官方話,將會推出更多小精靈追蹤道具,等大家更容易抓到小精靈,簡直就係逼人課金啊!

4.小精靈交易開放
成個背包都係同一類別嘅小精靈?唔洗驚,交易小精靈,儲齊全圖鑑簡直指日可待!

5.朋友對戰系統
唔一定要去道館同其他隊嘅人戰鬥嘅,官方日後會開放朋友對戰系統,就算係同隊,都可以交流切磋,有動力升級小精靈之餘,唔怕悶。

6.更多AR 應用
宜家AR 系統只可以用係抓小精靈身上,不過新技術就當然唔會的一種玩法。官方透露,日後可以會有AR 指路系統等等,等大家嘅遊玩體驗更真實!

玩咗Pokemon Go 咁耐,係咪好想知遲一陣子有咩新功能呢?上集已講咗Niantic 官方放出嚟頭6 個遊戲新消息,今集即睇餘下的5 個Pokemon 未來新功能。

7.傳說級小精靈開放
大家日唸夜唸嘅夢夢、超夢夢,終於有機會出場啦!想成為至強嘅小精靈訓練員,超夢夢係大家嘅夢想,衝啊!

8.城市、國際級比賽
打到出香港,衝出香港嘅機會之日可待!同之前Niantic 嘅官方宣傳片一樣,如果真係可以將小精靈比賽地區、甚至國際化,成件事都真係幾熱血!

9.組隊比賽
分隊做乜?咪就係為咗呢一刻。同唔同顏色隊伍嘅人比賽,識新朋友、互相交流話咁易。

10.道館個性化
好似人地霸地盤咁,霸完道館,想道館變得好好睇睇,個性化十足,有特色功能、特別標識之類,個性化功能將會開放。

11.小精靈中心開放
小精靈嘅世界,冇小精靈中心(PokeCentre)點得架!雖然小精靈中心就唔可以好似動畫咁,專係幫小精靈療傷,不過就可以變成訓練員集中交易、交流嘅一個地點,唔知官方之後會唔會推出繁殖系統,不過相信各項功能都會慢慢完善。

http://www.e-zone.com.hk/channelnews.php?id=16759

上一頁 回覆 新主題 主頁
查看完整電腦版 返回遊戲資訊交流區