兩架七人車保母「一對一」黎姿湊女出巡大陣仗

「凍齡女神」黎姿自從接手咗細佬間美容院，而家愈做愈大，仲上埋市做CEO。不過講到明幾忙都要湊女嘅佢，近日就同三個女去北京遊故宮，仲話令佢諗番起以前拍《金枝慾孽》嗰陣嘅點滴。

早前《壹》仔就撞到黎姿喺又一城湊住對孖女，眨吓眼六歲已經升小一嘅孖女，冇見一排真係大個咗好多，兩個女各自有一個保母，「一對一」貼身照顧，包保唔會走失。咁都未夠！喺商場食完嘢，黎姿外賣咗杯果汁拎走，兩架七人車一早喺門口stand by，安頓好阿女上車後，分兩架車走人，夠晒大陣仗！

兩個保母一人湊一個，包保唔會走失。
湊孖女出街要動用兩架七人車，真巴閉！

最近黎姿一拖三去北京遊故宮，仲好感觸咁話諗番起拍劇時點滴。

撰文︰八珍

兩架七人車保母「一對一」黎姿湊女出巡大陣仗

黎姿（現名馬黎珈而）昨日和老公主持銅鑼灣店的擴充儀式，著了一件藍白色條子恤衫，休閒中見時尚。

作為美女CEO，黎姿從商的時尚style都偏向簡約剪裁，及以淺色系為主，最愛著白色。新店開幕等活動，多以全白的連身裙，或套裝裙出現，至於今年一月的上市儀式，她則揀了一條線條明快、色調柔和的粉紅連身裙。

黎姿的恤衫相當有設計感，似是同樣創業幾年的新興美牌Veronica Bead出品，兩位創辨人和設計師都是女性，風格走casual chic路線，屬中價品牌。黎姿的恤衫在前胸有交叉設計，肩袖位則輕輕玩公主味皺摺立體感，優雅有細節。
from:http://hk.apple.nextmedia ... 170716/20091460