講小小卑爾既歷史俾大家聽
呢個城市本身係挪威既首都，因為佢沿海，所以從千幾年前成為左歐洲其中一個主要既港口。上面幾幅色彩繽紛，兼唔係幾規則既屋就係8-900年前商人所起既屋(世界文化遺產黎既)。而尾三果張就係中世紀時挪威國皇既皇宮(由於中世紀關係，所以佢既外貌冇西歐文藝復興後所起既皇宮咁grand，之後有機會，我會擺d其他地方較後期既皇宮相片比較下)
至於最尾果兩張，係當地人慶祝mid-summer festival既相，就係慶祝一年來日光最長既日子。北歐人好著重呢一日，因為一到冬天(即係而家)佢地只會得番4-5小時日光，所以佢地非常之咁鐘意有日光既日子，而好多北歐公司會係7-8月放一個月大假既添。
疊得咁高既塔，係一d裝魚既木筒砌成。由於城市沿海，所以好多人都以捕魚為主。而每年到呢一日佢地都會將木桶更換，所以就會疊高上一年用過既木桶，一把火燒哂佢，送舊迎新咁話。
