等我黎寫先啦~~~
我台北之旅係三日兩夜
第一日早上8點去到機場,10點上機,去到台北酒店已經係下午1點幾,之後行去西門町食午飯,叫左d粿麵食,都好好咪,順帶一提我地住行酒店既正門在一條好似後巷既巷仔
跟住我地搭捷運去到天母走走,但都冇咩野睇,黃昏搭的士去華西街食大排檔同埋行下,如果4個人係台北,搭的士比搭捷運仲要平,而個度d三杯雞真係好好食,而且食野又平,跟本去左101巨蛋,入場費都幾貴,不過都值得一去既,本來仲想去disco,但有朋友話睏,結果返左酒店
第二日我地book左架車8點係酒店等我地,先去中山紀念堂,烈祠堂同圓山大飯店,中午再去九份食野買野,個度d野真係好好食,牛肉麵,魚丸....我地四個人係九份買左兩大箱手信,好彩租左車如果唔係都唔知點拎
跟住再去野柳睇岩石,落好大雨,好難行,但都好靚..但好大雨成身濕
司機車我地去浸溫泉,浸完就帶我地去食全台北好正既豬紅同臭豆腐,之後車我地返酒店放低d手信,再去士林夜市行街食野,我地街左4個鐘,一路行一路都好多小食,最好食就係排隊排左4個字既胡椒餅,又平又好食.結果係士林行左4個鐘,行到點幾先返酒店.
第三日都係租左架車去帶我地去玩(因買左好多野而且個司機帶我地去玩去食野既地方唔係旅行團帶你去個d,好地道).佢先帶我地去食好地道既早餐粥,佢地所謂既粥即係飯加水,但都幾好食.跟住佢車我地去台北邊台中頭既內灣,個度d咖啡室,全部都係漫畫書"男兒當入樽"男角色既名"櫻本花道","流川楓"....都似去左日本咁
個度有個畫Q版漫畫既畫家好出名(但我唔記得左佢叫咩名喇),我地都畫左一張
,跟住去食水庫食魚,好平又好好食,食完再去機場附近睇空軍飛機展覽.之後就去機場上機返香港喇.
P.S.但我地個行程唔計手信,每人洗左$3200.但最衰我地影相唔多....
