近日大跌勁跌,偶爾來個小彈,第二日又跌過,都未真正正式咁來個似樣反彈.你驚夠未?夠恐慌未?如果未,咁即係仲想有好多人想搏反彈啦,大市可能仲要尋底.是否真的要大家都怕左個市,咩都掟晒出去先叫做底呢?以前大家對股票市場認識不多,見高就追,見跌就掟,似乎現在都好似冇咩改善,我們不是對股市認識多了嗎?在這個資訊時代,各指標分析,股票的異動根本都不是什麼秘密,為什麼大家依然是這樣呢?看來人心
由始到終也是沒變,美國這個成熟市場,也出現歷史以來的恐慌,VIX指數再創新高.真係驚成咁?別人貪婪我恐慌,別人恐慌我貪婪.其實相反理論在大波動的時候似乎係行得通.還記得上年個個都高追,個個都股神,一下轉勢就大家攪住一齊死.牛市願追渣,熊市不追沽.一定輸多贏少.坐貨者亦大有人在,隻艇已經還遊世界十萬次也沒有返回老家,所以呢D時候,佢地會堅持持貨的,中間位搔反彈果批俾大戶震走埋.股票自然就慢慢接近底線.
但有一點注意,香港市場的國際化,係令大市波動的原因,如果外圍資金不足,不論價格高低,他們一定會不問價的要錢不要貨.什麼技術指標,什麼已見超賣根本絕不可靠.一定要先穩定資金市場才可以再在技術層面出發.近日各國大舉減息,呢個行動絕對不會一日半日見效,要運作一段時間才可以見真章.但相信未來一定會有更多的手段去托住個市.而大陸方面上證在1800左右以經出手托住,明顯中央在呢個位希望得到支持,理論上大市在呢D位附近應該會繼續咁頂住,有需要時一定會再出手入市.老美近日跌係應該,因為他們不夠果斷,成日睇大家點行佢先行,根本有失金融界一哥的風格,有些國家為左頂住個市政府早已直接入市,老美呢?前排除了出口術同傾什麼幫助不大的方案之外,似乎都冇實際的行動.大佬呀,D人同公司已經冇錢可轉,唔賣掉手上資產又可以為繼呢?
長遠來看,外圍就算用什麼招,怎樣去托,經濟面已經係衰,點都衰!大家只望中國同基他新興的國家,而本人對印度呢個國家亦大有發展空間,除時可以和中國爭一日之長短.所以中國必先大膽創新,借他國的弱而盡可能侵佔他們的金融界,在未來10年8年踏上世界金融一哥的地位.如果可以,應該學習股神或其他大行,直接購入他們公司的股份,特別係公用事業方面更佳,所謂民為貴君為輕,到時不是挾天子而令諸侯嗎?
再講技術層面方面,暫時都冇咩可以講,因為呢個時候指標的參考性不太大.但一點留意,如果大家去用HSI月圖看,呢個月似乎真的似見底/短期底之象,當然世事難料,超賣可以超超買,但作長線部署的話,暫時輕注一入也似乎幾合理.但大家也有心理準備會隨時進一步再向下,呢點睇大家的承受能力同心理質數了.
P.S.:一直以來都不用心急的態度去玩,如果大家唔想搏,建議再等,我們不希望撈中個底,而係希望食正下一次的升浪,如果下一次可重上30000點,你就算手慢到20000點先入市,都唔係賺少好多姐,咪留返D水位俾D所謂的高人賺囉,我就自認蠢人一個,唔識估頂底,只係跟住個勢玩而已.
HSI月圖:
[
本帖最後由君嵐於2008-10-1119:22編輯]
