碗碗蛇羹都用料十足，蛇肉多到滿瀉，食一碗都飽肚。$65/ 碗
中環是個極之奇妙的地方，你可以在這里找到最young 、最潮的玩意；亦可以飽覽上世紀港英時代的中古建築，閒閒哋可以玩半日。講飲講食不單有Soho 區的各式西方美食及Fusion 菜；大街小巷又夾雜大量傳統中式懷舊食品。近日秋意正濃，令筆者想起是時候來個蛇羹了！中環閣麟街的蛇王芬有超過60年歷史，可說是老鋪中的老鋪，來中環不去這里食蛇羹及滋補燉湯就走寶了！
聚賢最抵
聚賢居停車場喺多個景點及蛇王芬飯店之間，出入十分方便，最重要係平盡中環。
勵精勁近
勵精中心停車場最近蛇王芬飯店，行士丹利街上去唔使1分鐘，不過經常爆棚。
兆和最煩
兆和軒又貴又要搭
，沿奧卑利街行落去飯店又要2至3分鐘，可列作為最後選擇。
表位勁等
最就近表位就係離飯店2分鐘路程的奧卑利街，流通量一般，分分鐘等半個鐘先有位。
講到去中環食嘢或行街，如果揸車的話其實都幾頭痛，事關呢頭24小時都多車，停車位又少又貴，好似蛇王芬飯店喺閣麟街就最頭痛，最近停車場係士丹利街勵精中心（$25/ 小時），又或者去士丹頓街的兆和軒停車場（$30/ 小時），最近表位就要去到奧卑利街。不過如果打算泊幾個鐘或行埋去香港醫學博物館參觀，筆者就建議泊去必列者士街嘅聚賢居，有蓋車位夠闊之餘，最重要係$11/ 半小時，平盡中環區，行去蛇王芬飯店都唔使5分鐘。
牆上掛了不少美食獎項及食家推薦，可見食物水準極有保證。
老店即是老店，一個簡單的鴛鴦腸滑雞煲仔飯堅持用走地雞製作，
腸加上豉油後更覺惹味，一開煲蓋即香氣四溢。$85
有時飲湯唔一定要大補，飲得唔岩分分鐘燥到流鼻血，呢個淮杞圓肉螺頭燉竹絲雞湯就唔同，以滋陰為主，可飲出竹絲雞清甜香味，男女都岩飲。$73
秋冬時OL 最重要係力抗乾燥，這個海底椰蘋果雪梨燉豬
湯有養顏作用，肉香加上果味清清甜甜，岩晒OL ，是店內大賣的出品。$55
生炒鴛鴦腸糯米飯內的臘腸及
腸切成小塊再與糯米一起炒成，腸味入晒飯內，正！$75
店內約有50個座位，飯市常出現迫爆場面。
老鋪玩滋陰
一說到中環的老鋪，很多人都第一時間想到鏞記同陸羽等貴價食肆，其實閣麟街的蛇王芬飯店亦都是有超過60年歷史的老鋪，不過分別是飯店樓面較細，以及食品較大眾化。蛇王芬當然最出位是食蛇，這里供應的蛇肉全來自野生飼養場，每日新鮮處理，因此蛇羹的香味特別濃，一小碗蛇羹內滿是蛇肉，加點檸檬葉及薄脆，絕對是秋天的最佳食品。或許你會問：「去蛇鋪食蛇羹之外，仲有咩好食？」其實蛇王芬多年前已不再只賣有關蛇的菜式，老鋪得以在千變萬化的中環區站腳多年，除有招牌菜外，更隨時代轉變作橫向發展，加入補身的燉湯系列，廣受中環OL 歡迎，尤其在乾燥的秋天更試過一日賣超過400盅，已成為店內的新招牌菜。
蛇王芬飯店
地址：中環閣麟街30號地下
電話：25431032
營業時間：星期一至日11:00am-10:30pm
1.卜公花園內的細葉榕早已列入香港古樹名冊內受保護。
2.用紅磚切成的YMCA 大樓外表中西合璧，難怪成日借做電影背景。
3.舊警察宿舍唔單只成日上鏡，原來仲係曾特首兒時舊居。
就算唔入醫學博物館參觀，單睇外表都覺佢歷史悠久，經常有龍友喺外面影相。
漫遊醫學博物館
中區有好多古蹟文物，行到古蹟旁的街道十足去了時光隧道一樣。位於半山堅巷的香港醫學博物館，外表用上古老英國愛德華式設計，於1906年建成，當年的用途是細菌學檢驗所，館內展出大量香港的醫學發展史資料，館外又有中草藥公園，小朋友來這里走一趟便有如上了一課香港醫學史。在博物館的旁邊，正是歷史悠久的卜公花園，內里有兩棵已列入香港古樹名冊的細葉榕，見證喺香港百年改變。
除古蹟處處外，博物館附近有很多特色建築物都多次成為電影場景，如《大隻佬》劉華就約咗柏芝喺必列者士街YMCA 大樓門口、黎明《三更》又喺空置舊警察宿舍拍攝，仲喺門口被車撞死。食飽中式美食再漫遊中區古建築群，在神經緊張的當下，總算難得優閒！
香港醫學博物館
地址：中環半山區堅巷2號
電話：25495123
開放時間：星期二至六10:00am-5:00pm ，星期日及公眾假期1:00pm-5:00pm ，星期一休息
入場收費：成人$10，小童、60歲以上長者、全日制學生或傷殘人士$5
食玩一程
