東亞華星演唱會喺下月13日同15日喺亞洲國際博覽館舉行，華星出身嘅歌手如今個個喺樂壇獨當一面，大部份歌手已過檔東亞娛樂。據知參與今次演唱會嘅歌手除咗唱自己嘅歌之外，仲會演繹華星年代張國榮、梅艷芳同羅文嘅經典歌曲。大會好有誠意咁邀請梁朝偉喺下月13日過場做特別嘉賓，大唱佢首經典金曲《矇矓夜雨裡》。
華仔（上圖）曾喺《愛君如夢》扮哥哥，大會想佢以呢個造型演出。資料圖片
許志安同楊千嬅（右）都係華星出身，安仔會同鄭秀文合唱情歌。資料圖片
斟華仔扮哥哥
鄭秀文（中）早前到蒙古探訪小朋友，仲手牽手合照。
據演唱會監製話翻查華星歌曲歷史，原來華仔係第一個唱張國榮（哥哥）嘅名曲《為你鍾情》，當年無線簽華仔畀華星準備出碟，點知華仔錄完首歌就俾無線雪藏，結果首歌輾轉落到哥哥手上，哥哥仲唱到大紅大紫。華仔版本嘅《為你鍾情》母帶仍放喺華星音樂庫，聽過嘅人話華仔嘅唱腔同哥哥好似。華仔喺電影《愛君如夢》中曾扮哥哥《大熱》嘅長髮造型，今次監製決定邀請華仔再扮哥哥嘅長髮風姿，不過華仔仲考慮緊，而佢只演出15號一場。至於鄭秀文最近就努力
弗，當晚會演唱《叮噹》同《熱愛島》等歌，大會提議佢以Nike 眉再現舞台，佢仲會同舊愛許志安合唱多首情歌。另外，鄭秀文早前跟宣明會去蒙古探貧童，佢同啲小朋友一齊玩遊戲，雖然言語不通，不過大家用表情同歌聲去溝通。
偉仔（左）同華仔下月將演出華星騷，大唱懷舊金曲。資料圖片
