梁朝偉與劉嘉玲結婚後，一直有傳嘉玲想生BB ，雖然偉仔要為明年中開拍的新片準備，但他認為工作忙不會對生育有影響，因為生孩子是嘉玲負責，而他會有收工回家的時間。
梁朝偉、張智霖（ChiLam ）、葛民輝、Angelababy 等，昨日到圓方出席電影《渺渺》群星好友場。婚後的偉仔有一段時間處於休息狀態，因而心廣體胖，最近他正為新片《一代宗師》作好準備，明顯開始回復佳態。最近圈中多喜事，繼偉仔、劉嘉玲拉埋天窗、徐子淇再度懷孕等喜訊外，李嘉欣與許晉亨剛辦了個億元婚禮，曾經是許晉亨舊愛的劉嘉玲未知有否致電恭喜?偉仔對此說：「我唔知喎！」偉仔被問到有關李嘉欣、許晉亨的喜事，並沒有太大反應，他淡然說：「結婚其實成日都有，只係冇特別報道，你睇酒樓每日都有好多人擺酒，我同李嘉欣合作過一次，唔算熟只係認識。」
嚫模Angelababy 抽空觀賞新片。
台灣電影《渺渺》在港舉行試映，請來一班藝人捧場，可惜主角沒有來港。
「又唔使我生」
嘉玲婚後想生育，問偉仔會否因忙於工作無暇造人？他笑說：「呢樣嘢我冇刻意，隨緣啦！生仔冇話一定要，拍戲就一定要，我冇畀壓力自己，其實生仔同拍戲冇關係，又唔使我生，我對係咪生仔冇抗拒，既然婚都結咗，緣份要有就有。」此外，偉仔接拍的《一》片預計半年後開拍，目前他勤於練習詠春拳：「開始進入狀態，導演王家衛想我練到有六嚿腹肌，諗就係咁諗，但詠春始終唔係我專長，希望體力可以應付到，惟有將勤補拙，已經開始練詠春拳兩個禮拜，覺得好有難度。」採訪、攝影：魯萍
梁朝偉開始為新片角色練體能，狀態明顯有進步。
