拍呢場泳池戲，楊丞琳因為來經唔可以落水，唔使濕身，好在都識
身益街坊，識做。
憑《命中注定我愛你》急彈的阮經天，新劇《敗犬女王》有成4.03收視（約242萬觀眾），即變收視榜no.1，仲高過《命》劇首播近兩倍收視，搞到其他台劇對手腳都震。
呢期冇對手，不過遲嘅唔敢講，因為陸續有大劇出籠，最搶鏡係劇后楊丞琳出手，上次《不良笑花》玩爆炸頭癲妹，新劇《愛就宅一起》轉型做bob 頭電車女，加埋大東汪東城晒肌，呢鋪有得鬥喎！
楊丞琳話《不良笑花》劇情誇張，所以揀咗爆炸頭造型配合，而今次個角色較文靜，於是先揀老套齊蔭頭，有sense 喎！
劇情講大東浸親，楊丞琳奮勇救人，仲幫佢人工呼吸，不過好心冇好報，大東噴到佢成面水之外，仲伸
扮舔，可愛教主蝕底晒㗎！
全劇焦點放晒落楊丞琳身上，大東梗係要剝衫露吓肌搶鏡啦！
另一男角胡宇崴（右）飾演楊丞琳的青梅竹馬，雖然靚仔又有錢，不過智商得8歲，冇得同大東爭！
叫得做台劇天后，楊丞琳（Rainie ）絕對係收視保證。唔計上世紀的《惡魔在身邊》同《換換愛》，對上一套《不良笑花》做癲喪無聊妹蔣小花，雖然服裝髮型口音都勁誇張，不過收得，最高紀錄仲有成3百幾萬人睇添！
生核突頭瘡最叻搞笑做癲得妹的楊丞琳，喺新劇《愛就宅一起》就反璞歸真零打扮，仲唔多出聲，只顧匿喺屋企睇漫畫的乾物女（台灣叫「宅女」），一次偶然將間屋分租畀寸爆過氣唱作人汪東城，型男遇上宅女，理所當然冤家變情侶。
劇情唔算驚喜，24歲楊丞琳惟有食住《不》劇條水玩外形，特製一個齊蔭bob 頭假髮，加娘爆格仔裙做村姑。為咗呢個假髮，可愛教主抵得諗：「拍劇時是夏天，我每日都要長時間戴假髮，整個頭長滿瘡又發炎，超痛！」
冒住生頭瘡都要拍，咁專業，為部戲啫！
電視台：八大
預計播映：緊接《我的億萬麵包》
年廿九首播
有傳言承旭同兩位女角不和，先係要求導演刪減曾愷玹戲分，後來拍攬戲時又借嘅意搣關穎（右）腰間肥肉，搞到關穎忍唔住向導演投訴。
慘情暴龍《心星的淚光》
主演：言承旭、關穎、曾愷玹
電視台：公視
播映：09年1月24日晚上9時
唔再懶型扮籃球高手，言承旭喺新劇《心星的淚光》做悲劇鋼琴王子程岳，一次意外喪失彈琴能力，後來遇上開朗少女董小鹿（關穎飾），日久生情撻喺，點知小鹿患上絕症，擺明走韓式悲劇路線喎！
香港人熟悉曾愷玹（左）多過關穎，可惜佢飾演嘅言承旭女友戲分唔多，只係第二女主角。
香港跟得貼港劇悶爆，想輕鬆笑吓惟有追台劇，好在無線收費台夠快手，已經買到喺台灣剛剛大結局的《無敵珊寶妹》同仲播緊嘅《我的億萬麵包》，台迷嚟緊有排追啦！
《無敵珊寶妹》主演：郭采潔、張棟樑
無線收費劇集台
25/1起逢星期日晚上7時30分
賣點：郭品超同明道兩大型男
飛，不過拍完成年都未播，有嘅倉底貨feel ！
《我的億萬麵包》主演：鄭元暢、林依晨
無線收費劇集台
7/2起逢星期六晚上7時15分
賣點：做搞笑爛仔的鄭元暢，拍住第三度合作的林依晨，極有親切感。
台劇輪住播 《敲敲愛上你》主演：郭品超、明道、李小璐
電視台：八大
預計播映：09年3月
賣點：郭品超同明道兩大型男
飛，不過拍完成年都未播，有嘅倉底貨feel ！
《痞子英雄》主演：周渝民、陳意涵
電視台：公視
預計播映：09年5月
賣點：仔仔做細膽（痞子）警察，除咗槍戰爆破等型爆場面，仲有火辣床戲。
[
本帖最後由 young 於 2009-1-14 12:26 編輯 ]
