黎姿在農曆新年前，與52 歲的富商馬廷強低調地在澳洲悉尼註冊結婚，上周五（6 日）廣發多張結婚照予各傳媒，表示自己已踏進人生另一階段。
37歲的黎姿下嫁比她年長15 年的富豪馬廷強，下周一（16 日）假尖沙嘴半島酒店中菜廳嘉麟樓擺喜酒，宴請男女家的至親好友。以兩家的背景和知名度，僅筵開十席，實在十分低調。
據知情人士透露，在馬廷強與黎姿結婚前，原本信奉泰國高僧的他，在黎姿引領下亦成了基督徒，這點最令黎姿感動，所以兩人是在澳洲的教堂行基督教儀式婚禮。而今次在香港補擺喜酒，黎姿會一邊展示多年來的家庭照，一邊親自向各人講見證，透露丈夫及受車禍重創的細佬黎嬰，對她人生觀的影響，此外黎姿所屬教會的牧師更會上台為一對新人祝福。
黎姿在農曆新年前在澳洲低調完婚，上周五（6 日）才發照片給傳媒公布婚訊，還預早錄製一段聲帶讀白，表示「終於找到一位疼惜我，可以給我付託終身的人……」消息公布後，黎姿圈中好友雖然未被邀請出席2 月16 日的婚宴，亦紛紛SMS 向她祝賀。
黎姿表示因為拍劇穿過多次婚紗，所以真正的婚禮上選擇不穿婚紗，只穿上約4 萬元的Hermes 斜肩春裝。
親自講見證據黎姿身邊人士透露，婚宴當日除了邀請牧師上台作見證及祝福外，新郎新娘亦會上台與來賓分享兩人相識七年來，由相遇、相知，以至黎姿弟弟車禍，令黎姿遇上人生最大危難挫折，頓失方寸之際，馬廷強如何拖住她的手，與她共同面對，給予她精神及經濟多方面支持的種種經歷。
黎家溫馨片段據知黎姿婚宴當晚除了請來牧師到場，為一對新人祝禱外，還會播放她成長過程的生活照，黎姿更會對來賓說出一段溫馨見證。
黎姿自小與家人同住何文田豪宅，但家道中落後被迫遷往平民區。她年滿15 歲便投身娛樂圈幫補家計，更供細佬讀醫，多年來一家感情深厚，相信婚宴當晚講見證時，場面溫馨感人。
昔日黎姿經常到細佬位於銅鑼灣的醫學皮膚護理中心打點，但近日忙於安排婚宴事宜，連日來均未見她到辦公室。
據知黎姿周一（16 日）婚宴當晚，會預早安排黎嬰從麥理浩康復院外出，出席家姐的喜宴。
黎嬰開口祝福「雖然黎姿擺酒想低調嘅，但佢對細節都好緊張，希望做到最好。婚宴嗰日，黎姿安排咗一個時段，讓全部賓客一齊唱聖詩，每圍枱每張椅都有一份聖詩歌詞，感覺會好溫馨。一對新人進場後，台上先播出一段新娘小時候與父母、弟弟嘅照片片段，然後佢就會同馬生上台同在場人士分享兩個人嘅生活點滴，之後黎姿所屬教會尖福堂嘅牧師一齊祝福佢哋。」
一知情人士透露：「依家睇緊黎嬰健康進展成點，佢本來唔係好講到嘢，但黎嬰好想親自上台多謝家姐咁多年為佢所付出嘅一切。佢好想親口祝福家姐，不過得唔得仲未知，要睇佢當日身體狀況。雖然話有牧師見證同唱聖詩，但黎姿亦會喺紅旗袍戴金器逐圍枱敬酒，所以都幾中西合璧㗎！」
近日黎姿為了安排結婚事宜，已經多日未有到細佬的康復院探望，亦甚少返回黎嬰的醫學皮膚護理中心打點生意。本周二（10 日），記者發現黎姿爸爸與黎姿阿姨一起到薄扶林麥理浩復康院探望黎嬰。記者上前恭喜黎父即將擺喜酒一事，他笑騎騎地頻說「多謝」，但卻拒絕拍照，甚至舉起手中紙袋遮面。
對於16 日婚宴當晚會有牧師為新人祝禱，以及傳聞女婿給予近千萬禮金等提問，黎父均只笑笑口表示：「多謝關心！」看來黎父擔心影響乖女，所以選擇「自我封口」。
心廣體胖傳懷孕 上月中，黎姿在中環IFC 輕鬆逛街，手持Hermes 紫色手袋，當時她已經秘密註冊結婚。成為「馬太」的她，明顯心廣體胖，難怪近日有傳她懷孕。
1 月15 日，馬廷強與黎姿到尖沙嘴一餐廳撐枱腳，之後他乘Audi 座駕離去。《壹週刊》圖片
本周二（10 日）記者向黎父問及黎姿懷孕傳聞，他未有正面回答，只一邊以紙袋掩面，一邊笑說：「多謝關心！」
收過億禮物除了千萬禮金外，女婿馬廷強亦甚大手筆，豪贈價值1,580 萬的九龍站豪宅凱旋門朝日閣高層單位，以及7,200 萬可望全維港景的渣甸山豪宅「名門」一個頂層複式單位，作為黎姿的結婚禮物。婚後的黎姿，則會與丈夫搬入市值近億的「愛巢」地利根德里蘭心閣豪宅，過其簡單而甜蜜的少奶奶生活。
半島高檔經典黎姿舉行婚宴的半島酒店中菜廳嘉麟樓，裝修古雅，頗具中國味道，被視為本地的頂級中菜館之一，不過佔地不算大，一般只可擺十多圍酒席。至於菜式十分高檔，除了鮑魚及魚翅，甚至最新頂級潮食的松露菌都有。據知只要顧客事先落柯打，有足夠時間準備的話，要幾高級的酒席都可以提供得到，今次馬廷強便訂了4 頭網鮑及最高級粗針魚翅宴客。
而該酒店天台備有直升機場，方便接載有頭有面的名人外，婚宴當日亦方便接載不良於行的黎嬰，相信亦是黎姿選中嘉麟樓擺結婚酒席的原因之一。
黎姿將在16 日在半島酒店嘉麟樓補擺約10 圍喜酒，主菜是鮑魚、白松露菌等，每席約10 萬元，加上所有布置、保安等費用，估計單是當晚開支近200 萬元。
馬廷強送給黎姿的其中一份結婚禮物，是位於渣甸山「名門」，市值7 千多萬，可坐擁180 度無敵維港景色的頂層複式單位。
此外西九龍豪宅「凱旋門」的一個1,580 萬元高層單位，亦作為黎姿的過門大禮。
億元結婚禮物好友祝福黎姿和馬廷強由註冊結婚到擺喜酒都相當低調，據知在半島酒店擺喜酒當晚，只會請雙方至親，至於圈中好友則會稍後再「食餐飯」。不過，與黎姿在她婚前最後一個劇集《珠光寶氣》中合作無間的一班藝人，亦不忘隔空恭賀她。
姜大偉：「我諗佢唔會請我哋飲
，都冇收到請帖，況且依家我開緊新劇，一直唔得閒，呢排成日開夜工，要拍到三月中至拍完。如果到時佢約埋我哋出嚟食飯，都會送嘅嘢賀佢，不過未諗到呀，到時至諗啦！」
李司棋：「我冇收到Gigi 帖呀！娛樂圈咁多人，要請怕掛一漏萬啦，況且淨係TVB 同事都好多。佢依家一定好忙啦！我send 過訊息恭喜佢㗎，或者遲嘅等佢安定晒，再同佢食飯恭喜佢都未遲！」
陳豪：「我冇收到帖喎，或者佢唔請我呢，不過知道佢開心咪得囉！送乜俾佢？未諗到呀，我哋都算係幕前好拍檔，但唔算係好好嘅朋友，我好戥佢開心呀！淨係睇到佢張結婚相，我已經覺得佢好幸福
。」
關禮傑：「可能Gigi 想搞私人婚宴，所以唔請圈中人呢！冇所謂啦，聽聞佢老公好低調㗎嘛，咁佢連結婚擺酒都想低調嘅都唔出奇呀！聽講Gigi 想快嘅生BB ，我就送『連生貴子』四個字俾佢啦！一個幸福家庭，點都要有小朋友嘅！」
樂易玲：「新郎好好人，有情有義，佢係可靠低調商人，好戥黎姿開心！黎姿話好想生BB ，好享受做人太太，冇諗過咁簡單生活會咁滿足。」
