Buffet 枱全部係開放式，中西日頭盤主菜甜品一律有師傅即場炮製。
五星酒店開枝散葉，除了出現於中環尖沙咀等旺區，還進駐新界，地方大環境舒適悠閒，自助餐閒閒哋食足四個鐘，吸引力足以蓋過地域偏遠的問題。
旺區酒店即刻「應戰」，一家三口週末齊齊食brunch ，盛惠$188 ，簡直前所未有咁抵食；餐廳亦自動劈價，$88 就可以任飲任食越南菜，鬥頂爛市。
選擇又新又平，係時候對自己好嘅，放肆瘋狂食番餐，用美味食物填滿肚子，感覺最好。
一般自助餐只供應電爐或鐵板燒，這裡用上炭爐明火烤，更有風味。
原隻巴馬火腿，要幾多切幾多。
串燒用上澳洲牛肉，燒得微
香口，肉質唔韌有咬口。
海鮮選擇唔多，勝在新鮮，但旨在食生蠔就恐怕要失望了。
自家製雪糕配上酸櫻桃、朱古力餅、櫻桃白蘭地、忌廉等，即成杯裝黑森林，入口香滑。
迷你魚生飯鋪滿三文魚子，鮮味十足。
Hyatt 全新酒店位於大學車站旁，二月中剛剛開幕，附近的大學師生、一家大細第一時間捧場，星期六日晚晚爆場。酒店暫時只有咖啡廳營業，不過，室內空間感十足，巨型絲絨沙發加通花吊燈，布置簡約有型，又有露天座位，望山景，市區邊有咁舒服。
自助餐亦做到與眾不同，一般餐廳會將食物預先煮好，等客人挑選，只有粥麵或甜品等少量即煮檔，這裡「即煮」才是主打。四個開放式廚房，無論中菜、意大利菜、頭盤或甜品廚房，都有幾個師傅忙住招呼客人。客人可以揀材料，左配右搭，叫師傅即刻炒碟鑊氣小炒，甚至揀料柯打心水pizza ，即焗即食。最驚喜是設有炭爐燒烤，明火炭烤的豬仔骨、羊架、迷你漢堡、幾款德國香腸等等，比預先焗好的熱辣好味得多。酒店廚師由北京、上海、香港等不同的Hyatt 調過來，用料亦有一定水準，自助餐供應即切十六個月巴馬火腿，加上翡翠螺、魚生等，任食四個鐘，回本話咁易。
咖啡廳
地址：沙田澤祥街18 號香港凱悅酒店－沙田
電話：3723 7952
供應時間及價錢：午餐11:30am-2:30pm
星期一至五‧成人$188 、小童$128
週末及公眾假期‧成人$258 、小童$158
晚餐5:30pm-9:30pm
星期一至四‧成人$298 、小童$198
星期五至日、公眾假期及假期前夕‧成人$358 、小童$238
泊車：惠顧滿$250 ，免費泊車2 小時，滿$500/4 小時
