林欣彤（Mag）、胡鴻鈞、周志文和周志康昨日在荃灣廣場出席「巨聲串爆情人節」活動，緋聞男女林欣彤、胡鴻鈞成為被戲弄對象，二人同台整壽司，又大耍花槍，Mag不忿胡鴻鈞抄襲自己的作品：「佢（胡鴻鈞）抄我！」胡打趣回應：「我哋不嬲諗嘢都一樣！」胡鴻鈞大膽暗示大家心靈相通，嚇得阿Mag非常尷尬。
林欣彤、胡鴻鈞今年無緣在情人節一齊度過，阿Mag說：「情人節要開工，仲未有人約，每年我都會預備禮物，同朋友互送禮物，不過就未試過有人情人節畀surprise我。」胡鴻鈞表示情人節要工作：「嗰日都要做嘢，應該唔會同阿Mag一齊做嘢，到時我都會買花，不過係送畀阿媽，每年我習慣都會做！」
from:
http://hk.apple.nextmedia ... art_id=14961724
