黎明（Leon）豪擲300萬製作的3D MV《遲D見》昨日首播，「雙J」文詠珊（Janice Man）及衞蘭（Janice）以動畫谷出噴血F Cup巨乳，JM更有飛bra飛底褲立體鏡頭。Leon太太樂基兒最近被指懷孕及戒煙戒酒，Leon指連朋友都介紹醫生給他，說包生仔生女。
黎明和文詠珊昨日在圓方出席新歌《遲D見》3D MV首播會，Leon在MV內，會剪走JM的bra及放火燒其動畫底褲，巨乳JM則趷籮自打屁股，除bra除底褲飛出鏡頭，又用腳撩走Leon胸前領呔等動畫場面，衞蘭也同樣以動畫配上F Cup身材，與雷頌德對戰。
Leon表示MV製作了9個月，片長3分半鐘，製作費超過300萬，他坦言雙J的巨乳是其構思，他說：「全部係我諗，但一啲唔純潔都冇，好似拍JM胸部fing一fing，之前開會有講嘅，外國好多MV有性感尺度，冇猥瑣同令人惡心。」他自言沒想過拍3D電影，因MV都製作了9個月，若拍完部電影也可以早唞了。他表示今次每個鏡頭計算準確，因每個鏡頭幾十萬元，計錯數便大件事。
最近有指樂基兒戒煙戒酒因有喜，Leon說：「傳聞一定會有，呢種冇價值嘅傳聞唔好諗唔好聽。真係有嗰日我都唔會瞞你，講冇乜所謂，有啲時候肯定唔係，連初期都未到，可能呢排冇新聞，有啲人對呢樣嘢有感覺，我就冇感覺。我啱啱喺北京，陳紅（陳凱歌太太）都打畀我問係咪有喜，都信你哋所寫嘅嘢，我話畀佢聽唔係，有啲朋友仲話介紹有個醫生好勁，肯定勁到飛起，話包生仔生女，總之講到自己神咁滯。」
與衞詩中止合約
有指Leon心軟幫衞詩復出，他表示大家已中止合約，衞詩已回復自由身，他稱每個人有自己的時間和選擇，公司因沒能力再處理才有此決定。
from:
http://hk.apple.nextmedia ... art_id=15161902
