樂基兒（Gaile）、李亞男和混血女模Alice B.昨日到尖沙嘴出席睫毛增長液活動，Gaile穿上露背短裙，身形甚弗，她笑言以行動打破懷孕傳聞，她說：「本來有件娃娃裙，我費事着咗又俾人問，我一向覺得自己唔肥。」
Gaile指用了睫毛增長液4個月，但老公黎明（Leon）初時沒為意，她笑說：「佢唔識beauty啲嘢，不過一次佢望到我都話我啲睫毛長咗好多。」覺得Leon的眼睛美不美？她甜笑說：「Of course，鍾意一個人唔需要改變佢任何嘢，我鍾意佢嘅性格、聰明同心地好。」
對於內地打壓毒風，問Gaile會否擔心Leon在內地工作應酬時會接觸到毒品？她說：「我一啲都唔擔心，佢喺香港都唔去應酬，何況喺內地。家我叫佢出去試新餐廳佢都唔制，寧願叫我喺屋企煮，唔同以前拍拖初期就會成日同我出街食嘢。」
from:
http://hk.apple.nextmedia ... art_id=15208485
