同男友Roger一年情玩完，無聲無息一段日子後，衞蘭上週五（七月二十日）於九龍灣Star Hall開show三場。身上肥肉搣唔甩，但信主得救靚聲回歸，場場爆滿。
同時Janice秘密搬離赫德傑道舊居，升呢進駐租金最平四萬入場的九龍塘畢架山一號。雖然個唱反應理想，但過去一年，Janice工作量一隻手數得晒，可以upgrade愈住愈豪，對她不離不棄的老闆黎明，出力不少。
胞妹衞詩○九年在日本藏毒斷正，拖累衞蘭，好在老闆黎明死撐唔放，Janice有得繼續出碟做歌手；但她見過鬼都唔怕黑，一○年在教會認識老外教友Roger，高調晒戀情犯公司禁忌，再次被送入雪櫃急凍。
戀情一年貨仔玩完，即使「得寵」指數已居於「模Art」文詠珊（JM）及靚聲新人JW之後，但當黎老闆得知Janice有意搬離曾經與前度同居的郝德傑道舊巢，即時出手相助。
「雖然唔似以前咁得寵，但佢（Janice）住嘅地方早已經通晒天，加上甩拖之後又無行差踏錯，老闆想幫佢重新嚟過，於是搵相熟經紀，安排睇樓搬屋。」知情人說。
邊行邊唱
據了解，Janice前後睇了十多個盤，她尤其歡喜畢架山一號一個千三呎標準單位，但租金十分「揦脷」。
「個屋苑屬於名校網，樓齡新，又有齊會所設施配套，所以租價企得好硬淨，一般望內園嘅千三呎低層標準單位，租金一定過四萬，高層望到中環，就要五萬幾先租到。」地產經紀說。
過去一年，Janice除了廣州演唱會賺一筆，其他搵錢工作數得出，搬住畢架山一號負擔加大，無A Music泵水，根本住唔起。
老闆同公司全力支持，Janice亦不敢怠慢，演唱會前勤操。新居附近人少又靜，Janice不時塞住耳機落街運動，邊行邊大聲唱，完全不怕途人的目光，來回往返十多次，行到成身大汗，才捨得返上樓。
位於九龍塘的畢架山一號，全部單位都過千呎，月租最少四萬
有黎明照住，冇人氣的衞蘭雖然間中有job做，但租住四萬蚊豪宅，談何容易。
歌衫出事
上週五（二十日），一連三場《Janice 3000 Day and Night Concert》開鑼，即使keep住做運動，但Janice依然周身肉，加上三套歌衫將身上缺點表露無遺，扣多幾分；台上表現亦偶有失準，頭場甩嘴、忘記歌詞，蝦碌不少，但靚聲同唱功好，補番數！
Janice開騷，韓籍母親專程來港撐場，胞妹衞詩和薛凱琪亦有出現，但老闆黎明，就繼續潛水，堅持隱形。
上週，衞蘭在九展舉行一連三場音樂會，久未露面的她依然肥腫，難怪被黎明取笑「肥過部電單車」。
黎明將彈藥轉投另外兩名愛將Janice Man和JW身上，衞蘭得寵程度大減
○九年，胞妹衞詩藏毒被捕，唱片公司即時跟她解約，衞蘭好彩得黎明力保，未有被拖累。
出道時形勢大好的衞蘭，09年被細妹衞詩涉藏毒牽連，一度被唱片公司掟入雪櫃，加上自從信主後不再在乎成敗得失，更加無心戀戰，近兩年，工作量少之又少，除了開過幾場音樂會，再冇推出過唱片，亦甚少現身公開活動。
