林欣彤冇聲3個月

弊傢伙！6月聲沙、7月中公布失聲一個月，𠵱家九月都嚟緊，小巨肺林欣彤（Mag）嘅聲帶撕裂咗3個月都仲未好番，連上星期四（23日）新碟發布會咁大件事，都仲係冇得大聲講嘢呀陰功。遲唔病早唔病，揀正大碟出爐同新戲上畫呢期病，已經夠大鑊。

FBI聽聞，作為英皇重點投資嘅新人，下半年定好嘅大大堆工作計劃都搞到有變，𠵱家英皇上下遍尋名醫，首要任務就係醫好呢個新人王回復靚聲，下個星期要應付音樂會㗎！




出碟咁大件事冇得出聲梗係悶悶不樂，直到男朋友仔羅孝勇（右一）突然出然代佢出聲唱新歌，阿Mag先至笑番咋！