謝婷婷與Janice Man前晚齊齊鬥性感現身灣仔Moiselle的時裝騷，前者身穿蕾絲透視，大玩真空誘惑，後者露背搶鏡。問婷婷男友安志杰會否反對性感，她笑說：「冇，佢拍戲每次都剝衫露pat pat，導演鍾意佢唔着衫，尺度大過我，佢冇權管。」記者笑會否覺得安志杰赤裸有型過着衫，她說：「衫咁貴，就係令人靚咗，爹哋就係花好多心機整靚個衣櫃。」
婷婷前晚的真空透視蕾絲裙，性感冠絕全場。
陳柏熹輕攬曾傳過緋聞的JM，絕無尷尬。
發夢諗轉公司婷婷笑言全家都十分欣賞安志杰健碩身形：「媽咪同哥哥都好欣賞，哥哥知道就算好勤力練身，都未必有腹肌，爹哋就有啲鄙視佢有咁好身形。」
談到轉公司的進度，婷婷說：「未，不過進展好，自己發夢都有諗，男友冇畀意見，不過近排好關心我，又煮嘢畀我食，又呵我。」
