兩年前選完《超級巨聲2》後，小巨肺林欣彤（Mag）簽約英皇，又出碟又拍戲，聲勢大好。直至今年中，22歲Mag發現喉嚨生繭，即時停工休養。
靠把靚聲搵食的Mag，自喉嚨生繭之後，再發現鼻膜出現問題，莫講話唱歌，連講說話都冇力。一心諗住放假養病，點知鬱到變情緒病，要睇心理醫生，據知林欣彤更出現厭食，由高峰期115磅的肥妹仔急跌至84磅。全面停工的她上週出席Eric Kwok（郭偉亮）婚禮時，被問到失蹤近3個月，她氣弱柔絲話：「我食緊藥！」
林欣彤身體一向麻麻，喉嚨生繭後，又發現鼻膜發炎，雖然已即時戒掉所有煎炸和刺激食物，但之前出碟拍戲日日捱夜，病情時好時壞，喉嚨不時劇痛，始終未能斷尾。
’12得棚骨~3個月急跌30磅，剩番84磅的Mag上週五（23日）現身Eric Kwok和葉佩雯婚禮，冇晒baby fat兼頸筋現形，而且臉色蒼白。
’10周身肉~Mag 20歲剛加入樂壇時，仍是115磅肥妹仔，包包面加麒麟臂，周身肉。
V煞面~下巴尖到㓤手，再係咁瘦落去，過多幾個月，真係唔認得Mag㗎喇。許廷鏗陪求診~今年8月，Mag被拍得出現在浸會醫院求診，許廷鏗全程陪住Mag，之後仲陪她shopping散心。
急瘦30磅
眼見事業起飛，但有病難醫的林欣彤擔心手停口停，搞到晚晚失眠。
知情人士說︰「其實祖兒介紹咗個針灸名醫畀Mag，喉嚨已經好番少少，但上兩個月又輪到個鼻，阿Mag真係崩潰，成日無啦啦喊，又食唔到嘢，身邊啲朋友覺得佢係心理作用，佢又唔敢食，驚食錯嘢。其實咁樣仲衰，搞搞吓開始有輕微厭食，瘦咗成30磅呀！」
上週五（23日），匿埋3個月的Mag終於出關，出席Eric Kwok（郭偉亮）和葉佩雯的婚禮，瘦剩84磅的Mag，除了塊面尖晒外，更現胸骨。本刊問她點解暴瘦，Mag冇晒氣力細聲話︰「我食緊藥……抗生素加類固醇，搞到有啲副作用，食唔到嘢！（係唔係有情緒病？）心情麻麻……遲吓會好㗎喇，畀多少少時間我休息。」
2日瞓幾粒鐘
處女碟錄音期間，Mag連拍2套戲《起勢搖滾》和《DIVA華麗之後》（圖），2日先有幾粒鐘瞓。
婚禮未散席，匿埋多月的Mag先行離開，單拖搭的士到大圍曉翠山莊。據知，這幾個月，Mag要靠身邊的好友同渡難關，除了男友羅孝勇，還有許廷鏗和一班舊同學，輪流日夜班開解她。
本來，年尾是歌手搵錢的好時機，據知今年Mag亦接了不少聖誕和倒數show，但狀態未回，試過月初有個戶外騷演出，她亦要臨時缺席，Mag最少要唞多2個月，到明年1月才有限度復工。
4/11月初甩底騷
本來Mag要到大球場出席童軍活動，但最終臨時甩底，靠老友許廷鏗撐住場面。
微博報平安
失蹤3個月，無論fans和傳媒都開始察覺，上週四（22日），Mag出席Eric Kwok的婚禮前一日，突然於微博報平安，更自拍瓜子面大特寫；而婚禮當晚，Mag亦去到大圍朋友家繼續心理治療，傾到凌晨2點先夠喉。
23/11
婚禮未完，Mag已頂唔順早走，飛的到大圍搵friend傾心事解鬱。
