而上週五（14日）晚，志偉老死成龍亦帶住龍女郎張藍心同姚星彤，一齊踩入亞太影展開幕晚宴，幫新戲《十二生肖》谷宣傳。最近成龍因發表「規管香港遊行論」，唔只惹起網民炮轟同俾吳綺莉暗寸讀書少，仲有網民發起罷睇成龍電影行動，但大哥冇有怕話：「由得人批評，我有言論自由，鬧唔死我、亦寫唔死我，我有世界票房㗎。」講就好得戚，FBI卻發現，將喺本週日上畫嘅《十二生肖》竟然喺團購網站（GROUPON）以6折價錢，即88蚊賣兩張戲飛促銷。如果唔驚滯銷嘅話，點解未開畫就賤賣戲飛呢？
《十二生肖》於亞太影展舉行首映禮，成龍唔放過機會，帶埋國內女星、新「龍女郎」姚星彤（中）同張藍心（右）一齊亮相，幫手谷飛。
最近成龍新片《十二生肖》在團購網站GROUPON促銷，買兩張戲飛只需$88，比原價$150，平足$62。
