謝婷婷火柴人

平安夜前夕，FBI除咗撞到黎諾懿，亦喺金鐘撞到謝婷婷同助手行街街，婷婷比幾個月前瘦咗個圈，一對火柴腳真係有少少誇張。

婷婷早排話自己其實唔係有心減肥，不過，因為男友安志杰喺屋企只食雞胸肉，搞到婷婷都冇啖好食，2個月就瘦咗成8磅，𠵱家仲好似肥唔番，全身都係骨，難怪佢都話男友詐型啦！

上年大隻妹


婷婷對腳仲瘦過FBI嘅手臂，FBI真係驚佢企唔穩。上年出席活動，婷婷對腳仲有些少肉地。

行到攰，婷婷去買咗罐汽水飲，再同助手返灣仔屋企。戰利品全程由助手拎住，婷婷就兩手fing fing。