徐濠縈自藝人飯局後顯得低調，她昨晚和甘比一齊在灣仔睇時裝騷，徐濠縈拒做訪問，火速入場，場內還有蘇永康、楊千嬅、Jessica C.等。梁烈唯昨晚上台行騷，唯唯在一眾高大男模中，身高明顯輸蝕，但他以開胸西裝上陣，壓軸晒胸肌搶鏡。完騷後，梁烈唯表示有點緊張：「第一次行咁大型嘅騷，少少緊張。」唯唯和黃浩對簿公堂，反告黃浩令他喪失片約，問他損失幾多？他說：「𠵱家都唔清楚，有啲係洽談中，冇點算，畀咗律師處理，唔方便講，多謝大家關心。」發福的葉佩雯否認懷孕，她透露也因飯局事件影響，失去一單涉及慈善的工作。
據警方消息，涉摑黃浩的曾志偉昨已到警署報到續保，下月底再到警署報到。
Jessica C.性感現身，大騷男友送的鑽石戒指。
徐濠縈（右）和甘比結伴，但拒做訪問。
From:
http://hk.apple.nextmedia.com/entertainment/art/20130115/18134249
