人前人後同男友安志杰sweet到爆嘅謝婷婷，有大佬謝霆鋒兩個寶貝仔塞住拉姑把口，冇嫁人壓力，就算男友恨娶，佢依然拖住先。
上個禮物五（一月十一日），婷婷同個女仔朋友去完有機食品店入貨，之後再去行鬼佬書局打書釘，揸住本圖多字少嘅《Life in five seconds》，睇到笑晒口。
未有家室，婷婷做乜都可以自己為先，唔似得同太太KaKa結婚踏入第八個年頭嘅黃浩然，上星期六（十二日）兩公婆難得有時間拍拖行吓街，shopping目的都係買嘢俾快兩歲嘅仔仔Kaydan。喺銅鑼灣利園見到BB波鞋，兩公婆研究買Nike定Adidas，話晒老婆係形象指導，揀咩款，由太太話事，老公埋單啦！
男友安志杰要開工拍戲，謝婷婷約朋友行街，好自由。去書店打書釘，婷婷同朋友邊睇邊笑。
兩公婆難得有時間拍拖，都掛住買波鞋俾個仔，揀完一輪，最終買咗對Nike boots，黃浩然埋單。
