曾志偉昨晚出席賀歲片首映，對於被指力邀巨星級藝人如梁家輝等返無綫拍劇，他坦言梁家輝原則上已答應。而葉玉卿則以老公不批准為由推了。
曾志偉（右）坦言若梁家輝肯拍劇，他都會親自上陣
葉玉卿戴私伙首飾搶鏡，她表示恨拍劇，但老公一定唔批准
曾志偉、譚詠麟、葉玉卿、黃宗澤、徐子珊等昨晚出席於新光戲院大劇場舉行的邵氏賀歲片《2013我愛HK 恭囍發財》首映，眾星以七十年代服飾打扮，懷舊味道十足。
之前有傳曾志偉力邀梁家輝、劉嘉玲、葉玉卿、周潤發等人返無綫拍劇，志偉坦言梁家輝原則上答應了，問他是否自己都親自上陣，他說：「家輝肯拍，我會奉陪，不過劉嘉玲今年唔得，發哥太遙遠啦！我都唔知原來家輝係訓練班出生，佢仲話身上流住TVB嘅血。」志偉坦言最快會於年尾開工。
「咪神」高海寧只露背上陣，不夠性感
黃宗澤與徐子珊選為「最佳衣着男、女演員」
角色好吸引
而葉玉卿被問到志偉是否搵她拍劇，她坦言：「係見過監製、編劇，個古仔都好吸引，不過老公之前講話拍呢套片係last time，應該未必成事，我真係好想拍，因為同電影《桃姐》同一班底，睇咗角色好享受，淨係呢個感覺真係錢都買唔到，（向老公耍冧囉！）我講都唔敢講，諗都唔敢諗呀！（叫佢睇咗呢部先！）畀佢睇咗咪仲大鑊。」卿卿表示雖然劇組的條件甚好，但都無奈say no。
否認包兩女
此外，黃宗澤被指於大陸拍劇時包兩名女子，他指那兩位是他助手，他笑言：「拍嘢都咁忙，邊有咁好精力包兩條女。」他又指不知杏兒表示有拖拍，他謂：「好女仔都多人追。」對於有指曾讚他的劉嘉玲會拍劇，他表示如能跟對方合作，做牛做馬都肯。而子珊亦表示恨跟周潤發合作。而譚詠麟被問到有否信心打贏黃百鳴，他指齊齊好便得。而兩大「咪神」孟瑤及高海寧都有出席，不過後者行密實，明顯輸給低胸裝的孟瑤。
From:
http://orientaldaily.on.cc/cnt/e ...0205/00282_024.html
