曾志偉與譚詠麟近日忙於宣傳新片《2013我愛HK 恭囍發財》，不忘與戲中演員黃宗澤、謝天華、高海寧等恭喜大家發財。志偉笑言蛇年冇得蛇王：「蛇年好忙，要搞大壽，又會做番《獎門人》，計劃搵齊歷代『獎老』一齊做。（陳小春忙做老竇喎！）做老竇唔使做呀？我畀機會佢搵奶粉錢呀！農曆新年我去馬來西亞、拉斯維加斯做嘢，跟住返香港謝票。」談到賀歲片，他說最好百花齊放套套都收，若港片能贏西片就更加好！
高海寧望蛇年躍進。志偉、阿倫率領一眾藝人為新片宣傳。
阿倫為發新年財離港去星馬工作，兒子不會跟隨前往，但會跟他去拜年：「家規嚟，又有利是逗。（佢帶女朋友同你拜年？）據我所知，佢冇拍拖。都未有，心咩急？讀書時期就專心讀書啦！」
高海寧則寄望蛇年大躍進，她希望新劇出街後接更多工作，蛇年事業進步。問她想不想心口事業線進步？她笑嘻嘻說：「都係o架，想外界可以肯定我嘅演技。」
from:
http://orientaldaily.on.c ... /00282_030.html
