黎明昨以「香港影視娛樂大使」身份出席《第9屆香港影視娛樂博覽》記招，他回復單身後鮮有現身，吸引大批傳媒到場，對於接棒梁朝偉任大使，黎明表示沒壓力，亦不介意外間將他倆作比較：「冇問偉仔意見，邊個做唔緊要，始終都會輪流做，唔同人可以分享唔同經歷。」談到北京的賈選凝參與香港藝術發展局的「ADC藝評獎」，並批評港片《低俗喜劇》，結果獲藝評獎兼5萬元獎金，黎明聞言笑謂：「鬧完有5萬蚊？早啲話我知，去鬧完可以攞錢捐去善事機構。」
黎明希望香港有多點創作空間。
與樂基兒離婚一段日子，問黎明現時心情是否平復？他謂：「上次喺機場講完係最後句號，唔會再提（你之後都好多緋聞，有舒淇喎。）依家好自由，觀眾鍾意點就點，點諗畫面唔關我事，最緊要開心（keep住自由身？）冇話keep定唔keep，命運囉，我會面對工作，希望香港有更多創作空間。」有份參演《低》片的杜汶澤，對該片被狠批，他謂：「唔嬲個女仔，每人有唔同立場，反而嬲頒獎嗰個人，5萬蚊深化中港矛盾，質疑藝發局背後係咪別有用心。」資深電影人黃百鳴則表示電影是娛樂，要讓觀眾笑得開懷，並不認同香港文化等同低俗。
from:
http://orientaldaily.on.c ... /00282_056.html
