熊黛林（Lynn）之前父親過世，郭富城全程相伴，兩人戀情越來越公開，更多次傳閃婚。Lynn於香港時間前晚在法國大方談及城城，表示有機會會跟城城去巴黎玩，但結婚則想找更有新意的地方；而城城繼第一匹馬取名「愛的呼喚」後，第二匹新馬公佈改名為「愛河」，見證與Lynn甜蜜沐浴愛河！
熊黛林指與男友郭富城財政獨立。
城城第一隻愛駒「愛的呼喚」首次出賽即勝，甚有馬主運。城城與張智霖合夥的自購新馬「愛河」（前）近日已投入操練。
郭富城去年榮升馬主，愛駒別具心意取名為「愛的呼喚」，更一出賽即拉頭馬。愛上賽馬的城城，與老友張智霖等一齊再做馬主，早前合夥的自購新馬已開始操練，據悉購入價一百多萬的新馬，英文名Full Team，中文名則繼續向女友熊黛林傳達心意，取名為「愛河」，甜到漏。
「腌尖都係好」
沐浴愛河的熊黛林，近日身在法國，她在香港時間前晚於巴黎出席Valentino時裝騷，同場還有內地女星張雨綺、台灣女星吳佩慈等。Lynn大方談及男友城城：「喺巴黎冇買嘢畀佢，佢咁多sponsor，我買過accessories畀佢，但佢唔啱用，佢係呢行嘅idol，腌尖啲，不過腌尖係好嘅。」
問何時跟城城遊巴黎，Lynn說：「以後啦，有機會。」想在巴黎結婚嗎？她說：「個個都想喺巴黎結婚，我反而想搵啲有新意嘅地方。」更指自己怕凍，所以兩人外遊都去熱帶地方。可會閃婚？她說：「唔知呀，年年都俾（相士）批結婚，但都結唔到。」
張雨綺熱捧Valentino場。
財政好獨立
Lynn喪父之後，搬離接近城城的半山到西灣河嘉亨灣住，但有指是城城出錢，Lynn即否認：「我自己租，只係想住啲冇咁多人嘅地區。」她指城城沒為她處理租務的事，更不是買樓給她，兩人之間財政獨立：「好獨立呀！」
from:
http://hk.apple.nextmedia.com/entertainment/art/20130307/18186915
