謝婷婷同安志杰出名愛得癡纏，出席活動又經常公開互冧，真係寃氣到打冷震。早前安志杰忙住拍電影《魔警》，不過依然顧住女友，除咗定時定候交人，仲做埋私人攝影師，耐唔耐上載婷婷嘅家居密照，同大家分享佢哋嘅甜蜜生活。
婷婷晒老竇
謝婷婷同老竇謝賢去馬爾代夫度假，仲放咗張二人拖實潛水嘅相上網，好溫馨！
好衰㗎，影人哋素顏。（設計對白）
唔緊要啦，「醜婦」終須見大家嘛。（設計對白）
擘髀險走光
婷婷着住男友嘅衫褲喺梳化打機，下身嘅孖煙囪騷出兩條腿，仲差啲走光。
自拍飛毛腿
除咗放婷婷嘅相，安志杰仲放埋自己對飛毛腿出嚟。相中佢浸喺浴缸，由大髀影到腳趾，好sexy呀！
