發新話題 Report thanks

爆粗煲煙飲到嘔賀曾志偉眾星癲喪迪士尼

曾志偉前晚在迪士尼樂園酒店搞60大壽派對狂歡,由於前輩陳寶珠畀面到賀,志偉未敢放肆飲酒,直至晚上9時半他送走寶珠姐後,志偉即回復真我個性,不但喪隊酒例牌變醉貓,更率歌神張學友、影帝梁家輝、邱淑貞、鍾鎮濤和謝天華等齊唱粗口歌詞:「×你**,××你!」鍾鎮濤和上山詩鈉犯禁煲煙,梁家輝更劈酒劈到嘔,越夜越瘋癲,將童話世界迪士尼反轉變成人樂園!
爆粗煲煙飲到嘔賀曾志偉眾星癲喪迪士尼圖片1
曾志偉前晚在迪士尼樂園酒店慶祝生日,率群星高唱粗口歌「×你**,××你!」杜德偉老婆在台下high爆舉中指。
學友豆斗唱粗口歌
曾志偉前晚在迪士尼樂園酒店舉行「志在開心Super Party」賀60歲,不少老友畀面到賀,志偉和好友們越夜越瘋癲,將現場變舞台排隊高歌,醉意甚濃的志偉率領張學友、梁家輝、沈嘉偉和邱淑貞(豆斗)夫婦、范姜、上山詩鈉、苗僑偉、杜德偉、謝天華和陳國熹等合唱粗口歌,鍾鎮濤和彭健新彈結他,音樂響起披頭四(The Beatles)名作《Don't let me down》,志偉等人竟然大大聲唱出粗口:「×你**,××你!」歌神學友、影帝梁家輝都拋開身份高歌,初時人母邱淑貞表現顧忌只伴舞,最後都融作一團大唱:「×你**,××你!」兩句粗口唱足幾分鐘,杜德偉老婆更在台下舉粗口手勢落力和應。

爆粗鬧埋阿佘
醉到迷迷糊糊的志偉,更連環爆粗先×人唔畀面:「好多謝各位來賓嚟到呢個派對,啲人戇×,竟然有啲人要求唔×嚟,同埋早走咗嘅,我都唔×明白,我只係同佢講:×你**!」之後再辣埋佘詩曼,志偉說:「阿佘平時粗口咁流利,叫你上台唱又唔唱,真係嘥×晒,×你**,一齊畀句阿佘:×你**。」最後高叫:「以後呢首歌成為會歌。」
爆粗煲煙飲到嘔賀曾志偉眾星癲喪迪士尼圖片2
爆粗煲煙飲到嘔賀曾志偉眾星癲喪迪士尼圖片3爆粗煲煙飲到嘔賀曾志偉眾星癲喪迪士尼圖片4
前日曾志偉(左)在迪士尼樂園慶祝60歲。
爆粗煲煙飲到嘔賀曾志偉眾星癲喪迪士尼圖片5爆粗煲煙飲到嘔賀曾志偉眾星癲喪迪士尼圖片6
志偉和親友下午先在灰熊山谷玩極速礦車,晚上轉到樂園酒店隊酒狂歡。志偉親自送走陳寶珠後,返入會場即放肆隊酒。
from:http://hk.apple.nextmedia.com/entertainment/art/20130416/18229369

TOP

thanks