郭富城昨日在珠海國際車場參加「奧迪R8 LMS盃」業餘賽車組賽事，前日在排位賽攞第三的城城，昨日炒車無法完成賽事，人雖沒受傷，但城城感到很失落。
曾在賽車場奪冠的城城，昨日賽前還信心十足，怎知天意弄人，在第十圈時發生意外出事撞牆，結果車尾撞花被迫退出，賽後城城要時間平復心情才接受訪問，他無奈說：「心情好低落，一直保持車速希望keep住噚日成績，過程冇壓力，仲爬頭超越前面職業賽車手㖭。」
城城昨日賽前信心十足，可惜鎩羽而回，幸而車毀人未傷。比賽其間，城城一度爬過職業賽車手頭，遺憾最終失事撞牆。
性急出事
城城憶述炒車經過說：「自己狀態同心理OK，可能爬咗頭想揸快啲，自己性急出事，今次係自己錯，一心急左邊車轆鏟上草地，架車搖擺失去控制撞牆，即刻冇得再賽。」他覺得很失望，並嘆謂：「之後會同教練研究犯錯原因，賽車係難㗎，好多嘢估計唔到，自己鍾意賽車，可能唔夠天份，好失落好自責，唔想講嘢，希望唔好影響下次比賽。」
問賽車難還是追女難？城城說：「唔講呢啲，總之今次失敗係好經驗，可以鍛煉唔好咁性急。」另外，揚言重新出發的舊愛熊黛林，昨在微博上載藍天白雲相並留言：「面對海，一切變得那麼渺小，還有甚麼放不下。」似乎已走出失戀陰霾。
城城戰車的車尾和車頭被撞花，要運回德國維修。城城在車場上大受歡迎，Audi高層都爭取合照。
from:
http://hk.apple.nextmedia.com/entertainment/art/20130506/18250304
