郭富城拉頭馬，贏39.9萬

郭富城與熊黛林甩拖後，終於有好消息「沖喜」，昨日他與張智霖（Chilam）齊齊現身沙田馬場，二人有份做馬主的愛駒「愛將」以頂頭大熱贏頭馬，贏得獎金約39.9萬港元，加上之前第一次出賽跑第二獲15.4萬獎金，已累積合共55.3萬獎金。

城城昨日於沙田馬場拉頭馬。城城伸手輕撫愛駒。

城城開心得高舉雙手。苟芸慧前晚出席活動時，又被問有關城城的事。
城城拉頭馬時全程表現興奮，滔滔不絕大談馬經：「自己對馬好有信心，出閘前有啲緊張，不過有好騎師，我都叫馬迷唔好孤注一擲，我係馬主會有獎金，唔會落重注。」問到他會否再做馬主？他笑言：「本身有『愛的呼喚』，𠵱家暫時冇跑，『愛將』天性好有自信，會跑多啲。」

阿智有「處女luck」
身旁的Chilam笑言帶蔡一智入馬場帶來幸運：「特登帶埋阿智嚟，佢係處女有luck，都唔知贏幾多錢，錢唔重要，志在參與，同阿智夾咗100蚊。」阿智亦笑說：「我矮Chilam咁多，啱做騎師，賽馬係好活動，都係做慈善。」此外，準爺爺霍震霆單拖現身，記者笑言啟剛已認有B喜訊，問到他想抱男定女孫？霍Sir全程四萬笑容：「個仔都接受咗你哋祝福。」他透露要花時間構思孫的名字：「要諗一諗，算送咗父親節禮物畀爸爸。」此外，呂麗君名下的「替天行道」在另一場賽事跑得第二，但她亦未有現身觀賽。
另一邊廂，傳聞是新城嫂的苟芸慧前晚於活動上，被阿叻陳百祥取笑說：「聽日隻『愛將』（城城愛駒）得唔得？」苟姑娘即尷尬地說：「你唔好玩我啦！」
from:http://hk.apple.nextmedia.com/entertainment/art/20130527/18272721

郭富城昨日以馬主身份到馬場支持愛駒「愛將」出賽，而「愛將」亦非常爭氣，以大熱姿態勝出，城城拉頭馬時不禁輕撫愛駒並豎起拇指讚牠叻。表現風騷的他坦言賽前已充滿信心，但亦不忘提醒大家別瞓身投注。

城城與Chilam贏頭馬喜形於色，不禁豎起拇指。

郭富城昨日與老友張智霖（Chilam）齊以馬主身份到沙田馬場支持愛駒「愛將」出賽，好友蔡一智亦有同行，賽前問Chilam可有信心拉頭馬？他說：「應該好大機會。（落重注？）一陣去買10蚊先。」而「愛將」最後以大熱姿態勝出，三人還一起拉頭馬，而拉頭馬時，城城不禁輕撫愛駒並豎起拇指讚牠叻。

跑出心目中成績
表現風騷的城城被問到賽前可有信心拉頭馬？他說：「我對佢（愛將）好有信心，係臨跑前有少少緊張，我哋用咗我好鍾意嘅騎師，今日跑得好有智慧，佢有安撫隻馬，結果跑出1分09秒，係我心目中應該做到嘅成績，發揮得好好。希望贏咗馬可以為朋友帶嚟好運，最緊要係開心，但記住唔好瞓身（投注）。」他又指另一贏過冠軍的愛駒「愛的呼喚」比較青澀，待遲些再出賽。

城城拉頭馬時禁不住輕撫愛駒。城城與Chilam、蔡一智等齊齊拉頭馬。

苟姑娘被提起「愛將」時，一面尷尬。許晉亨愛駒今季第二次勝出，獎金逾百萬元。

苟姑娘被叻哥玩
問Chilam拉頭馬的感受，他說：「好開心。（真係買得10蚊？）多過10蚊，我同阿智夾份買咗100蚊。今次係我第二次拉頭馬，覺得好幸運，我哋又拉埋阿智嚟，佢有Beginner's luck。」他又謂贏多少不重要，最重要是做善事。問他可會再買馬做馬主？他自言自己都是掹朋友車邊，他對買馬並不認識；而阿智就表示純粹到來「攞個彩」。昨日許晉亨與李嘉欣名下的馬匹「一寶」亦勝出了賽事，已是今個馬季第二次勝出，是次獎金達1,368,000元，不過嘉欣並未有到場。

而城城的緋聞女友苟芸慧（苟姑娘）前晚上節目時就被陳百祥（叻哥）戲弄，叻哥問她：「苟小姐，聽日隻『愛將』得唔得？」令她一臉尷尬，大發嬌嗔說：「唔好咁啦。」

另外，Chilam和劉心悠昨日以代言人身份，為品牌拍攝廣告，廣告中的他們擺出多個跳躍動作，營造懸浮效果，展現活力一面。
from:http://orientaldaily.on.cc/cnt/e ...0527/00282_070.html