安志杰上周交代與謝婷婷結束四年情，昨晚首度公開現身，在中環置地廣場出席S.T.Dupont與日本漫畫One Piece的聯乘活動，他在店內表現輕鬆，不時露出笑容，之後一次過接受文字及電子傳媒訪問，則轉為緊張，不時流汗，並以廣東話及普通話交替回答問題。安志杰表示心情OK：「已經好耐冇見，喺美國返嚟後冇見。」問到分手原因及分開多久？他說：「呢啲唔講，過咗去唔想講，去美國前算係分咗手。」問有否涉第三者？他說：「唔想講，我諗冇。」與婷婷是否保持好朋友關係？他答道：「仲係朋友。」
安志杰提到婷婷分手，即緊張到大汗淋漓。
取消關注免傷心
有傳婷婷覺得安志杰不夠上進，推了王家衛的電影《一代宗師》中張晉飾演馬三的角色，安志杰表示：「唔係咁，嗰時拍緊《逆戰》，都好想拍王導演嘅戲。」提到他只顧住打機，他說：「我鍾意打機，但係唔係因為呢件事。」安志杰談到在Instagram取消關注婷婷：「因為唔想見到sad嘢。」問到有否挽救與復合機會？他兩度表示：「工作忙，緣份已盡。」對於曾達談婚論嫁階段，他亦表可惜，又謂沒有為此事與婷婷兄長謝霆鋒聯絡，亦不會影響關係。對於狄波拉曾視他為女婿，他以普通話表示：「好多事情都對不起。」安志杰稱暫時以工作為重，其他事不會多想。
此外，同場的婷婷好友劉晨芝表示有與婷婷聯絡：「唔知分手原因，亦唔會偏幫邊個，畀啲空間佢哋。」
安志杰與婷婷（小圖）過去常連體嬰現身，婷婷更為他抹汗，惜分手收場。與拍拖四年的婷婷分手後，安志杰重新投入工作。
from:
http://hk.apple.nextmedia.com/entertainment/art/20130530/18276515
