曾志偉官司結案近排獎門人曾志偉真係煩到一頭煙，新抱Renee先俾本刊踢爆喺網上數臭夫家之後，再搞單姣黐三哥苗僑偉嘅新聞，志偉要出嚟解釋完又再解釋，肯定冇晒癮啦。
而喺本周三（5日）下晝三點三，志偉唔係去嘆下午茶喎，而係要去中區警署報到，咪係為咗舊年12月涉嫌掌摑黃浩單案囉。單案搞足半年，志偉難免身心俱疲。最後，警方經調查同諮詢過法律意見後，決定close file。
今次志偉惹上官非，最終都總算解決咗，應該還得神落，難怪志偉喺警署逗留半粒鐘後出嚟，對住鏡頭都笑番，仲同記者揮手㖭，不過就唔肯回應記者提問囉。佢不嬲都話自己有問必答㗎，乜今次反應咁離奇嘅！唉，喺法律面前，真係唔到你牙擦嘅。
周三（5日）下午大約三點，曾志偉由做律師嘅盧敏儀陪同下，抵達中區警署，個樣有啲緊張。
到下午三點四十五分，曾志偉由警署出嚟，上車離開。個樣輕鬆番晒，仲向記者揮手。
網友妙論
