余詠珊自入主TVB的綜藝科總監以來，一直呼風喚雨，由她策動的投票直選港姐、全台動員拍《玩轉三周1/2》惹來不少迴響。原來她的權力不止於綜藝科，更悄悄伸展至戲劇部。
由曾志偉監製的重頭劇《Aerobic Girls》，原來是由余詠珊出橋俾志偉製作，甚至該劇的選角亦要過問。因此，連志偉老友阿叻（陳百祥）及Paco（黃柏高）旗下女藝人都被foul出局，反而余詠珊老公Herman（何哲圖）旗下藝人就順利入圍。余詠珊插旗，阿叻今勻輸晒！
由曾志偉監製的新劇《Aerobic Girls》，標榜參考韓國電影《陽光姊妹淘》，講述一班中學好姊妹25年後重遇的故事。本來志偉爆響口，話游說葉玉卿、鄧萃雯、毛舜筠、袁詠儀、夏文汐等重量級女星參演，可惜最後冇個兌現。現時除了陳慧珊及蘇玉華有份參演外，陳雅倫、李麗珍及葉蘊儀都答應演出，可惜陣容明顯較之前差一截。
踢走Paco新女
「As One」係Paco力捧嘅組合，他承認「As One」有去過試鏡。《蘋果日報》圖片
四個台柱女角欠卡士，飾演她們少女版的女角卻爭崩頭，新劇的少女版女角共7個，由於余詠珊插手，角色選定連志偉都冇得話事。現在落實的三位女角，分別由星煥旗下Super Girls的Heidi和Cheronna及欣宜擔正，佔了一半。而一度入圍、Paco旗下的女子組合As One則被踢出局。
「呢個project最先係Sandy（余詠珊）諗出嚟，諗住搞套熱鬧嘅女人劇出嚟救收視。Sandy向殼王（陳國強）sell橋，殼王咪叫志偉幫佢搵人演囉，仲叫Sandy俾意見志偉㖭。所以志偉選角，要過Sandy嗰關。」知情者說。
早排余詠珊因病入院，志偉本來同老友鬼鬼的Paco（黃柏高）傾掂數，會用Paco旗下組合As One飾演其中兩名主角的少女版，但據知余詠珊知道之後不滿，更向志偉表示「No way！」
「隔咗兩日，Sandy向志偉推薦星煥旗下嘅Super Girls做少女版主角。星煥係Sandy老公Herman話事嘅，咁即係有人想肥水不流別人田啦。向來圓滑嘅志偉咪息事寧人，揀咗Super Girls嘅Heidi同Cheronna囉。」
叻女郎冇得試鏡
早前阿叻借《叻哥遊世界》力谷愛將Carol（左）同蔚雨芯，但就謝絕余詠珊愛將黃翠如加入。
有人冷手執個熱煎堆，但亦有人大意失荊州。叻哥同志偉向來關係密切，原先叻哥諗住旗下的「浸大E神」Carol及「魔鬼胸」蔚雨芯可以入圍，點知志偉一講，余詠珊又say no。
「之前叻哥嘅節目《叻哥遊世界》，余詠珊曾想向佢推薦愛將黃翠如及洪永城做主持，但被叻哥一口拒絕。Sandy覺得有人唔俾面，所以今次志偉新劇，叻女郎連試鏡嘅機會都冇就已被out。」
就《Aerobic Girls》一劇選角向志偉求證，但志偉不但謝絕訪問，連拍照都拒絕。至於阿叻方面，他旗下「潮音樂」經理人文滌代為回應，承認蔚雨芯冇得試鏡：「係冇收到邀請去casting，可能呢排Rainky（蔚雨芯）咁啱唔喺香港。（但叻哥同志偉關係密切，點解連試鏡機會都冇？）早兩個禮拜我都有問過，但佢哋話已經選晒角！」
至於Paco就表示最初TVB有邀請旗下藝人參演，但後來卻不了了之。Paco話：「我哋嘅新人之前係有去試鏡，但最後冇入圍。」
余詠珊被指在新劇插旗，她回應時就推得一乾二淨︰「冇咁嘅事，拍呢套劇係志偉嘅心願，我亦冇份揀人。」而余詠珊老公Herman亦夾晒口供︰「今次試鏡係志偉同梁家樹負責，完全唔關Sandy事。不過，我係收到通知，Heidi同Cheronna已被揀定，但角色仍未分配。」下個月中開戲，話角色未定，真係講都冇人信！
重用星煥女星《Aerobic Girls》7位女角，其中3位蘇玉華、葉蘊儀及魯芬的年輕版，都由Herman主政的星煥藝人擔正。其餘落實的年輕版則為糖妹及孖女組合AOA的Annice演出。
義氣型女 Super Girls@Heidi22歲的Heidi是Super Girls中最年輕成員，被睇中是因為氣質同蘇玉華近似。修讀時裝的她形象較潮，被何哲圖睇高一線。
鄉音女生 Super Girls@CheronnaCheronna身形最嬌小（1.64米），和葉蘊儀身形接近。她fans較多，故深得何哲圖歡心。《Face》圖片
迷信肥妹 欣宜志偉要加入魯芬搞笑，欣宜是志偉愛將，又是星煥藝人，少女版魯芬自然由欣宜飾演。
貨不對辦
志偉新劇《Aerobic Girls》下月中開拍，無綫不斷揾外援救收視，希望借志偉人脈邀請鄧萃雯、毛舜筠、葉玉卿等有分量女演員加入，但各人都因不同理由未能參演。選角名單「車輪轉」，幾經波折終於有定案，但卡士明顯低兩班。
網友彈爆
