唔少天王天后喜用的音樂人雷頌德，上週末一連三晚在紅館舉行作品演唱會，群星一呼百應，鐵膽有黎明Kelly，唔收錢又唔錫身，平日自己開騷只唱兩個鐘的Leon，為好友又唱又跳，大拋金句，笑震全場，落力過做自己concert。而婚後五年無開過演唱會的Kelly，更換四套共20萬的歌衫上陣，排舞三星期，由頭撐到尾，晚晚唱到十二點，將婚後第一次，轉贈Mark Lui。
放送金句雷頌德吹雞，黎明Kelly楊千嬅梁漢文方力申Stephy側田傾巢而出，個個貼錢撐老友。當中黎明更比自己做演唱會還落力，有打扮性感dancers伴舞的Leon，只係郁吓手行住唱，但唱到「愈夜愈有機」最尾一句，企在高台上的黎明突然跳起，絕對是他近年彈得最高的一次，全場觀眾high爆。
不過聽Leon講嘢，隨時比聽他唱歌精采。
在首場演唱會中，Leon唱完黃霑作品《明星》後，與阿Mark傾偈時即猛放金句。「我同你唔使開口，心裡面已經講咗好多嘢。」
Leon本來想戴住黑超出場扮明星唱《明星》，但他最終打消原意：「喺下面（後台）戴咗，個個話唔好，好似唔係好尊重，最後除咗無戴到，其實戴眼鏡嘅前輩已經走晒，咁唔戴可唔可以遲啲走，其實早走遲走，都唔好諗咁多，走嘅只係軀殼，靈魂係會繼續飛嘅！」尾場演唱會後，大部分歌手均在後台接受訪問，只有鐵膽Leon無蒲頭。
晚晚唱三慢三快歌的Leon，唱快歌專登戴番黑超。
連唱三首快歌，Leon以跳起做終結，跳完還要紮馬，動作騎呢，但足已令觀眾尖叫。
黎明掀起全晚高潮，他亦識做走近觀眾席握手。
年第一次至於五年無開過演唱會的Kelly，對幾時再開個唱，暫時仍未有計劃。
「依家有咗家庭，唔似以前咁一日跳八個鐘，將所有時間放喺排練，觀眾始終會想我跳舞，所以要準備得更加充足先會做！」Kelly說。
全晚跳舞最多的Kelly，足足花了三星期排舞。
Kelly大讚馮德倫靚仔咗，阿Mark即搶問：「你係話佢靚仔過以前，唔係靚仔過我呀？」十分搞笑！
徐濠縈去了台灣跑馬拉松，Eason代老婆撐場，見同阿徐好老友的馮德倫一出場，即企起身拍照。
仙姐在Leon出場前才到場睇騷，前輩大駕光臨，千嬅必恭必敬和她握手。
小方Stephy情侶檔為阿Mark演出外，尾場後的慶功宴，黎明Kelly千嬅許志安通通無到，二人就撐到底。
開騷前拜神，就只有千嬅梁炳。
