群星醉賀葉童銀婚紀念張學友貓咗，偉仔呆滯

葉童同老公陳國熹為慶祝25周年銀婚紀念，前晚9點幾喺大坑嘅隱泉串燒包場狂歡，兩公婆着情侶粗口tee「F××K」恩愛現身，好友張學友、梁朝偉、曾志偉、陳可辛同老婆吳君如、沈嘉偉同老婆邱淑貞、劉偉強、上山詩鈉、周汶錡同呂方等畀面到賀，場面墟冚到爆。

撲向椅背遮面

大家都飲到不醉無歸，直至凌晨12點幾陸續走人，梁朝偉離去時仲保持清醒，但目光有啲呆滯，至於曾志偉前晚冇去向劉家良致祭，反而去咗派對戥葉童兩公婆高興，仲飲到要人扶佢上車。

陳國熹同葉童搞派對慶祝結婚25年，好友梁朝偉、張學友、沈嘉偉同邱淑貞夫婦等到賀狂歡。

飲到耳頸通紅嘅學友噚日凌晨離開食店時，一反常態烏身趴向前座椅背（右圖），甫士似足疑犯被押上囚車咁，令人笑爆嘴。

學友噚日精神奕奕出席活動，佢話喺派對飲咗酒梗係面紅喎！

戴cap帽嘅學友上車後，竟然一反常態咁即刻烏低身趴前，雙手捉實椅背遮面，似足犯人坐囚車咁唔想俾人影到個樣，可惜佢被由面到頸都紅卜卜嘅醉態出賣咗！葉童兩公婆壓軸離去，葉童上車後仲興奮豎手指公，陳國熹前晚亦喺微博上載跟好友合照，多謝大家祝福。

梁朝偉走嗰陣保持清醒，但飲到電眼有啲呆滯。

周汶錡上車時腳步浮浮腿張開，要呂方扶實。

志偉（左）前晚落機後趕去派對，逢飲必醉嘅佢要人扶上車。

「唔會飲太多」

另外，學友噚日喺大埔接受鳳凰URadio主持陳海琪訪問，學友話：「派對梗係會飲酒，我冇醉到，飲咗酒梗係面紅，唔想被影到樣先遮面，我唔會飲太多，否則今日嚟唔到呢個節目。」學友仲話志偉前晚落機就趕去派對，噚日朝早就出席劉家良出殯儀式，所以志偉嚟到派對就瞓覺。問學友有冇諗過搞結婚派對？佢話：「唔會，最多食吓飯，大搞咁麻煩。」至於郭富城話想搵三大天王拍戲，學友話城城未搵佢，等佢睇咗劇本先，問到介唔介意襯托城城？學友大方話：「冇關係，最緊要角色啱。」

採訪、攝影：朱志聰、李志明、魯萍

陳可辛（右圖）噚日凌晨12點幾率先離去，吳君如就留到尾聲。
from:http://hk.apple.nextmedia ... 130725/18347746

葉童與老公陳國熹前晚舉行結婚25周年（銀婚）派對，好友梁朝偉、張學友及曾志偉等紛紛到賀，離開時眾人醉態盡現，偉仔累得上車後即攤在椅上，滿面通紅的學友鬼馬地以手掩面傻笑，至於逢飲必醉的志偉亦醉到半合眼，要由沈嘉偉扶上車。

梁朝偉一上車即挨在椅上。

葉童與陳國熹結婚25年（銀婚），前晚他們於大坑的日本餐廳包場搞派對慶祝，兩人的圈中好友梁朝偉、張學友、吳君如夫婦、曾志偉、邱淑貞夫婦及周汶錡等，都現身撐場，當中不少賓客送上名酒作賀禮。

店員擺遮陣
穿情侶裝的葉童夫婦，在派對中與眾好友舉杯暢飲，就連平時甚少夜生活及飲酒的張學友亦飲得很盡興，一行人最終逗留至凌晨12時許才陸續離開，不少人飲到醉醺醺，店員見狀即到店外擺遮陣擋鏡頭，免得眾星的醉態被拍。

葉童舉起拇指，向記者道別，旁為陳國熹。

吳君如和陳可辛亦獲邀出席。

偉仔步出時更頭耷耷，醉意甚濃的他甫上車便把頭挨在椅上，見記者拍照亦木無表情。滿面通紅的學友離開時，除擰歪面及拉底帽子避鏡頭，還鬼馬地掩面傻笑。

曾志偉離開時要由多人扶着。

學友擰歪面拉底帽避鏡頭。

曾志偉例貓
逢飲必醉的志偉，步出時亦要沈嘉偉等扶着上車，醉到半合眼的他上車後即低頭睡着。其後葉童夫婦離開時也面紅耳赤，但亦算清醒，葉童更向記者揮手道別及舉起拇指。事後記者聯絡葉童，她表示：「好開心同咁多好朋友玩咗一晚，老公送咗心形鑽飾畀我，我都送番條手鏈畀佢，不過長度唔啱，要攞去改。」

文、
From:http://orientaldaily.on.c ... /00282_006.html

葉童老公陳國熹（右）日前參加咗個男士聚會，約咗全男班喺銅鑼灣時代廣場嘅city'super入面包場搞咗場私房菜聚會。佢哋一班男士大概下晝4點零鐘，就齊集喺度邊食邊飲紅白酒，冇老婆喺身邊嘅男士都顯得好自在輕鬆。到5點鐘左右，陳國熹同另一位男士行咗上時代廣場嘅空地，原來佢哋兩個煙癮起，齊齊外出呼吸新鮮空氣，之後吹咗一陣水至返落去繼續聚會。
from:http://hk.apple.nextmedia ... 131017/18466778