熊黛林（Lynn）、容祖兒（Joey）、徐濠縈、甘比帶同囡囡秀樺等前晚現身圓方，出席Giuseppe Zanotti鞋店開幕活動。Lynn早前自爆多人追，問到有何進展，她表示：「𠵱家乜都冇，因為講完多人跟，嚇走晒，以後會成咗事先講，因為唔想畀壓力自己，俾人跟住點搵男友。」問她會不會怕將來男友與舊愛郭富城比較，她笑言：「自己唔比較，行埋嚟追我嘅男仔要有心理準備。」
Lynn慨嘆被狗仔隊嚇走追求者。
望舊愛搵到幸福
近日有傳Lynn已將城城手機號碼刪掉，她表示：「我冇講過呢啲說話。」對於城城傳搭上房祖名緋聞女友、26歲內地新人葉熙祺的報道，問Lynn會否呷醋？她表示：「自己冇睇，不過有聽到，唔會呷醋，都冇感覺，始終唔關自己事，人哋私生活冇興趣，亦都唔要知。」Lynn透露已完全放低城城，她說：「過咗去已放低，其實做決定時已諗通咗需要放低，自然希望所有朋友都搵到自己幸福，唔肯定啲事唔評論。」
熊黛林自甩拖後，出席活動都盡騷美好身段，搶高收視。容祖兒自言是鞋癡一族，男友劉浩龍亦讚她雙腿ＯＫ靚。
讚Steven認性史乖
Joey對於師弟張致恆（Steven）被漏M凸點𡃁模孫旗（Keiko）爆當年性史，Joey笑言：「都幾年前，佢都大個仔好乖，肯承認，呢個細路我識咗咁多年，有乜嘢好同唔好大家都知，等社會教佢，佢雖然頑皮，不過係好乖小朋友，是但啦，佢又唔係我個仔。」
忙湊女的張燊悅做全職媽咪。徐濠縈與黃偉文行孖咇出巡。
from:
http://hk.apple.nextmedia ... 130726/18349394
